No.742/2021-2022
Aizawl 30th May 2021: Aizawl District Bawrhsap Dr Lalhriatzuali Ralte chuan Aizawl District chhungah Covid-19 hri darh avanga Containment Zone puan a nihin inkaihhruaina(SOP) hman tur a hnuaia tarlan ang hian a siam.
SOP for Containment Zone/Area
1. Containment Zone/Area puan dan : Covid-19 hri darh hlauhthawnawm a awm chuan a bialtu Chief Medical Officer-in assessment a neih hnuah Deputy Commissioner hnenah Containment Zone/Area-a puang tura recommend-na a thawn ang a, Deputy Commissioner in a tul dan angin Containment Area/Zoneah a puang ang.
2. Containment Zone/Area puanna order a hmuh veleh a bialtu CMO (Aizawl East/West)-in surveillance leh Containment Zone chhunga hmalak dan tur Health Department-in a duante chak taka kalpui nghal tur a ni.
3. Containment Zone/Area puan a nih veleh Sr. Superintendent of Police in Security Duty a lo ruahman ang a, Security Personnel te hi office hours chhung chu an duty tur a ni a. Office hours pawn lamah VLTF/LLTF te’n an mamawh anih chuan Incident Commander (IC) ah an thlen anga, IC in a tul angin hma a la ang.
4. Surveillance Team te’n Containment Zone/Area chhunga Covid-19 positive an hmuh te chu a theih chin chinah Home Isolation/CCC/4C ah dah tur a ni.
5. Active Case Search (ACS), contact tracing leh swab sample test result atanga Containment Zone/Area tihzim theih a nih chuan CMO in chumi atana recommendation chu Deputy Commissioner hnenah a thawn ang.
6. Containment zone-ah phalna neilote tan mahni in atanga chhuah khap tlat a ni a, chhungkaw hrang (Kitchen/choka khat hmang ni lo) inlenpawh, chawhmeh insuah, inlehkhaden te phal a ni lo.
7. Containment Zone/Area ah Office/School/Institution/Bank/dawr, etc hawn phal a ni lo.
8. Containment Zone/Area ah hian tumah an lutin an chhuak tur a ni lo. Hei hian Deputy Commissioner-in phalna a pekte, bawlhhlawh paihnaa thawktu leh sweeper te, tui sem, medical hna thawktute (duty tur), security personnel (security service pe tur) te a huam lovang.
9. A chunga tarlan essential service pe tu Official, duty tura tih te chu an Controlling Officer-te theuhin Positive contact an neilo tih an finfiah hnuah chauh detailment order-ah an telh tur a ni. He detailment order hi Executive duty, VLTF/LLTF leh Police duty te hmuh theihin an kawl ngei tur a ni.
10. Containment Zone-a loh theihlohna avanga lut leh chhuak tur, exempted category zinga mi nilo te chu VLTF/LLTF te’n Contact tracing-ah an fihlim ani tih hriatpuina lehkha nen Incident Commander-ah an dilsak thei ang. Incident Commander chuan Medical Team ngaihdan la in Deputy Commissioner aiawhin phalna a pe thei ang.
11. Containment Zone/Area chhungah veivah phalna pekte hman lai leh Containment puan hnan lirtheite chauh lo chu motor eng chi mah, private/commercial vehicle, bus/city bus/taxi, etc. a ding tur a ni lo. Veng danga kal tur lirthei tan ding lova tlan tlang theih a ni ang.
12. Containment Zone/Area chhungah mi tumahin eibar, damdawi mamawh chungchangah leh medical emergency case-ah harsatna an tawh loh nan VLTF/LLTF te’n ruahmanna an siam ang. Thil tul ah chuan VLTF/LLTF te’n bialtu Incident Commander hnenah an thlen ang.
13. Containment Zone/Area chhunga chhungkua te’n mahni bawlhhlawhte a hnuaia mi ang hian an sawngbawl tur a ni:
• AMC dan hman lai angin bawlhhlawh te hi thliar hrang tur a ni.
• Bawlhhlawhte hi AMC atanga a lakhawmtute’n darkar 72 a ral hnuah chauh an lakkhawm theih avangin nikhat chhunga bawlhhlawh dahhran phawt tur a ni. A ni hnihna leh ni thumna bawlhhlawh dah hrang lehin, a ni li naah a nikhatna bawlhhlawh hi AMC in an rawn lakhawm ang.
• Bawlhhlawhte hi garbage bag-ah tha takin khung tur a ni a, tawn phui zel bawk tur a ni. Garbage bag-te hi hypochlorite solution in disinfect zel bawk tur a ni.
