No.741/2021-2022
Aizawl, 30th May, 2021 : Dr Eric Zomawia, Mission Director, NHM & SIO chuan kum 18-44 inkar COVID-19 vaccine pek chungchangah a hnuaia tarlan ang hian hriattirna a tichhuak.
Mizoram sawrkar chuan May, 2021 ațangin kum 18-44 inkar tan vaccine a pe țan a. Kum 18-44 inkarte tana vaccine hi state sorkarin a siamtu (manufacturer) atangin lei zel a ngai tawh a. Mizoram sorkar pawhin kum 18-44 inkarte tan a thlawna pek a remtih laiin vaccine siamtute lam atangin an rawn supply zung zung thei lova. Thawh khatnaah 16340 doses chu lei niin priority groups te pek hmasak an ni a. Tunah hian vaccine dose 600 vel a la awm a. Hei hi Tuikual Presbyterian Kohhran Hall ah Dt 31.5.21 ( Thawhtanni) ah pek a ni dawn a, coWIN atanga registration leh booking ti lâwk te chauhin an la thei dawn a, booking hi thawhțanni 8:00 AM hian hawn țan a ni ang. Hei bak chu vaccine lo thlen leh hun nghah leh hlek a ngai rih dawn a ni.
