1. Hnathawhna hmun hrang hrangah leh chet vel naah mask vuah reng tur a ni a, CAB tha taka zawm reng tur a ni. Sumdawnna hmun hrang hrangah dawr/sumdawnna neitu leh a dawrtuten mask tha takin an vuah reng bawk tur a ni a, CAB tha taka vawn anih theih na turin dawr/sumdawnna neituten ruahmanna tha tak siamin an kengkawh tur a ni.
2. Puipunna hmuna kal ten hrikai lo tur leh midang ah hri thehdarh anih loh nan englai pawhin mask an vuah tur a ni a, midang nen feet 6 tala inhlatin an awm tur a ni.
3. Office/Hnathawhna hmunah pawh Head of Office/Office hotuten an hnuaia hnathawk tuten mask tha taka an vuaha CAB an zawm/vawn that ngei na turin thahnemngai takin hma an la anga, khauh takin an keng kawh tur a ni.
4. Tul tawp lovah chuan chhungkhat leh thenrual tha, Building khata cheng leh thenawm khaw veng te inthlawhpawh/inlen pawh loh tur a ni. Loh theih lovah in len pawh a tul chuan in neitute remtihna lak theih nise. Tin, kan zavaia himna tura inkaihhruaina siamte hi mipui ten zawm ngei hi kan tih tur a ni tih i hre thar leh ang u.
Deputy Commissioner in Order a chhuah bawhchhetute chu “Disaster Management Act, 2005 leh the Mizoram (Containment and Prevention of Covid-19) Act, 2020” hmangin hrem theih an ni tih mipui te kan in hriattir leh e. Hri kai kan pun chhoh zel chuan inkaihhruaina hi ennawnin a tul anga tun aia khauh zawk pawh a siam theih reng a ni.
SL NO |
ACTIVITIES |
AMC AREA | AMC AREA PAWN (BDO AREA) | REMARKS |
1. | Zirna In | Sawrkar SOP dinglai angin. | Sawrkar SOP leh School Education Department- in ruahmanna an siam angin. | Day schollers leh Hostellers a theih chin chinah vaccine an la vek tur a ni a. Vaccine la rualten vaccine an lak ngei theihnan School hotute/neituten hma an la ang. |
2. | Sakhaw Biak In leh Inkhawm | CAB khauh taka zawm chungin Biak In-a leng zat chanve (50% seating capacity) aia tam lovin Kohhran Inkhawm pangngai chhunah chauh neih phal a ni a, zing leh tlai tawngtai inkhawm phal a ni. Kohhran Inkhawmpui Chhun lamah neih phal a ni. Inkhawmpui neihna hmun Biakin a leng zat chanve (50% seating capacity) tel phal a ni. Covid-19 Symptoms neite chu Inkhawmpui-ah hian tel loh tur a ni. Inkhawmpuiah hian natna benvawn nei leh kum upa hriselna chak tawhlo te a theih chin chinah awl ni se. Tlai lam ruai buatsaih phal a ni lo. Inkhawmna ah hian zaikhawm, zaiho leh zaipawl anga hla sak phal a ni lo. CAB khauh taka kenkawh leh zawm tur a ni a. A thlengtu Kohhran in LLTF/VLTF te phungbawma sawmin CAB/SOP Implementation Committee an din ang. | SOP Implementation Committee Kohhran tin in din tur a ni a, a dinna copy hi bialtu Incident Commander te hnenah Chairman, LLTF/VLTF ten an thehlut tur a ni. SOP Implemention Committee Terms of Reference hi Annexure-1 ah tarlan a ni. | |
3. | Inneih inkhawm, mitthi vuina, mitthi lumen leh khawhar lenpui na | Inneih inkhawm, mitthi vuina, mitthi lumen naah leh khawhar in lenpui naah Sawrkar SOP dinglai in a sawi ang te tha taka zawm tur a ni. LLTF/VLTF ten khauh takin an kengkawh tur a ni. |
Zaiho leh ei leh in sem phal a ni lo. A hmuna lengzat chanve an pel tur a ni lo. Annexure-1 a inkaihhruaina tarlan zulzui hian mawhphurtuten ruahmanna an siam ang. | |
4. | Lu mehna dawr | Hawn phal a ni. | Dawr neitu ten regular takin hmanruate sanitize thin tur a ni. Lu mettu leh customer ten engtik lai pawhin mask an vuah reng tur a ni. Engtik lai mahin dawr chhungah dawra leng zat capacity chanve aia tam awmkhawm tur a ni lo. | |
5. | Bungraw Load leh Unload chungchang | Phal a ni.
Curfew period-a bungraw load leh unload ti tur te chuan DC ah ziakin LLTF hriatpuina nen phalna an la tur a ni a, dilna hi Online in - dcaizawlpermit@gmail.com ah dil tur a ni. Thawktute chet chhuah phalna hi a hranpa in curfew pass, a chunga bungrua load leh unload permit upload telin DC atang vekin he link atang hian an la lehbawk tur a ni- curfewpass.ssdd.in. Tin, loh theih lovah chauh bungraw load/unload permit hi dil tur a ni. Permit pekte pawhin bungrua load leh unload chhungin bungrua an hralh tur a nilo. | VLTF ruahmanna angin. | Chetvelna ah leh hnathawhna ah hian englai pawhin CAB vawn reng tur a ni a, a theih chin chin ah Covid vaccine la tawh nithei se. |
6. | Mipui punkhawm- Anniversary, birthday, adt. | Khap a ni.
Amaherawhchu, State sawrkar phalna laa National/State Level programme pawimawhte chu huaihawt phalsak a ni thei ang a, a hmuna leng zat chanve (50% capacity) emaw mi 50 aia tam lo (a tlem zawk zawk) tum khata punkhawm phal a ni.
Hripui darh huk theihna tur ven nan, a theih chin chinah hla/rimawi thun (record) sa te play tur a ni a, zaikhawm, zaiho leh zaipawl anga hla sak te khap a ni. |
Annexure-1a inkaihhruaina tarlan zulzui hian mawhphurtuten ruahmanna an siam ang | |
7. | Restaurant leh thingpui dawr | Hawn phal a ni.
A hmuna lengzat chanve (50%seating capacity) chin phal a ni.
LLTF/VLTF ten CAB leh SOP an vawng tha em tih an enpui thin tur a ni. | Sanitizer chhawp reng tur a ni. A theih chin chinah Delivery system a kalpui tur a ni. | |
8. | Fair Price Shop (ration dawr) | Ration dawrte chu CAB khauh taka kengkawh chungin LLTF/VLTF ten ruahmanna an siam angin hawn theih an ni. |
| |
9. | Eichawp Dawr leh Sa Thlai/chawhmeh zawrhna | Hawn phal a ni. | Santizer chhawp vek tur a ni. Dawr chhungah dawr nghaktute nilo chu inleng te thut khawmuan phal a ni lo. Dawr nghaktu leh dawrtu ten engtik lai pawhin hnar leh ka uluk taka khuhin mask an vuah reng tur a ni. Dawr chhung leh pawnah dawr tute inhlat thei ang bera an awm theih nan dawr neituten ruahmanna an siam ang. Hei hi LLTF/VLTF ten An enpui/endik thin ang. | |
10. | Bazar leh Dawr | Bazar leh dawr inhawnchhawk dan tur chu Annexure 2 ang hian kalpui tur a ni.
Bazar leh dawr inhawn theih hun hian curfew chhung a huam lovang. Tin, khawthim hnuah rei tak dawr hawn phal a ni lovang. |
VLTF te ruahmanna angin | |
11. | Mizoram Sawrkar Office- te | Mipui, Office dawr turten appointment lak hmasak tur a ni.
Office tinten appointment siam dan tur ruahmanna an siam anga hei hi mipui hriatturin an puangzar ang.
Head of Office ten Vaccine la la lo te tan an lak theihna turin ruahmanna an siam ang. | Office kaiten a huhova tiffin/chhun chaw eikhawm/siam loh tur a ni. | |
Annexure 1
TERMS OF REFERENCE FOR KOHHRAN INKHAWM/INKHAWMPUI SOP IMPLEMENTATION COMMITTEE
1. Sawrkar order No.B.13021/101/2020-DMR/Vol-VI dt: 07.01.22 Para A.2 (3) a Sakhaw Biakin leh Inkhawm nkaihhruaina a siamte uluk taka zawm anih theih nan ruahmanna an siam tur a ni.
2. Kohhran inkhawmah Biakin/Mipui punkhawmna hmun a leng zat chanve (50% seating capacity) pel lo turin ruahmanna an siam tur a ni.
3. Social distancing uluk taka zawm anih theih nan hma an la tur a ni.
4. Biakina inkhawmte/Mipui punkhawmna na hmuna luh leh chhuah dan (Ushering) uluk takin an duang tur a ni.
5. Biakina inkhawm/Mipui kalkhawm ten luh hmain kut tihfaina ( kut silna/Sanitizer ) hman theih tura chhawpchhuah/siam tur a ni.
6. Biakina inkhawm/Mipui pungkhawm zawng zawng ten engtiklai pawhin mask vuah dan dik tak (hnar leh hmui khuh) in an vuah reng nan hma an la tur a ni. Mask mamawh te tan “face-mask spare” pek mai theih turin an chhawp tur a ni.
7. Chanvo neituten lohtheihloh thilah lo chuan mask an phel tur a ni lo.
Annexure - 2
DAWR INHAWN CHHAWK DAN TUR
Group A (Thawhtanni apiangin an inkhar ang)
1. Thawmhnaw, pheikhawk dawr.
2. Second hand dawr.
3. Puan, puanthan leh la zawrhna.
4. Puanthuina leh a kaihhnawih dawrte.
5. Pangpar zawrhna.
6. Group thennaa lang ve lo dawr zawng zawngte.
Group B (Thawhlehni apiangin an inkhar ang)
1. Computer, mobile phone, electronic appliances dawr leh hetiang chhe siamna te.
2. Printing, photocopy shops etc.
3. Stationery leh lehkhabu dawr.
4. Dispo materials (dispo cups/plates etc) dawr.
5. Arms & Ammunitions dawr.
Group C (Nilaini apiangin an inkhar ang)
1. Hardware/Insakna bungraw chi hrang hrang zawrhna dawr etc.
2. Autoworks/Spare Parts dawr .
3. Khawl/machinery dawrte leh hetiang chhe siamna te.
4. Tarmit dawr.
5. Goldsmith, jewellery dawr.
Group D (Ningani apiangin an inkhar ang)
1. Furniture dawr.
2. Sports bungraw zawrhna dawr.
3. Sana zawrhna leh siamna dawr.
4. Miniso/Vishal/Mart etc leh Mall ang chi dawrte.
5. Network Marketing shops (Vestige, Oriflame etc).
Group E (Zirtawpni apiangin an inkhar ang)
1. Toys, cycle dawr.
2. Naute mamawh zawrhna dawr.
3. Bungbel leh eirawngbawlna hmanraw zawrhna.
4. Cosmetics/makeup dawr.
5. Nihliap/pheikhawk/Bag repair/chhe siamna dawrte.
Inrinni ah dawr zawng zawng hawn phal a ni.
