Aizawl the 8th January, 2022Kan rama hripui leng mek Covid 19 laka mipuite kan him zel theih nan Govt. of Mizoram, DM&R Department thuchhuak bawhzuiin pawn chhuah khapna thupek chhuah a ni a. Section 144 CrPC (Act no.2 of 1974) in thuneihna a pek angin Aizawl City area huamchhungah Ni 8 January, 2022 atanga Ni 31 January, 2022 chhungin zan tin dar 9:00 atanga a tuk zing dar 4:00 thleng pawn chhuah khapna thupek Aizawl DC chuan a chhuah a ni.

 

He thupek hian a hnuaia tarlante hi a huam loving –

 

1. State Level Task Force on Covid 19 Member te.

2. District Level Taks Force on Covid 19 Member te.

3. Local/Village Task Force on Covid 19 Member te an duty na avanga chhuah ngaite.

4. Army, BSF, CRPF, Assam Rifles, BRTF leh GREF workers duty te.

5. Executive Magistrate te.

6. Police leh Home Guard duty te.

7. Hospital a thawk Doctor, Nurse leh thawktu dang Night & Emergency duty te.

8. Chanchinbu mi leh Electronic Media a thawktu zawng zawng DDK leh AIR tiamin.

9. Covid 19 kaihhnawih Health Department Officer leh thawktu dangte Night & Emergency duty te.

10. Fire & Emergency Service Night & Emergency duty te.

11. Power & Electricity Department hnuaia Night & Emergency duty te.

12. Prison duty te.

13. Excise & Narcotics Deptt. Enforcement duty te.

14. Medical Emergency leh damlohna thil leh chhiat tawh thila veng danga kal ngai, an veng VLTF/LLTF te lehkha keng

15. Private Security Service duty te.

16. Essential commodity phur leh Home Department atanga phalna neite.

17. Disaster Management buaipuitu Officials te.

18. Custom Division hnuaia thawkte.

19. Directorate of Revenue Intelligence, Ministry of Finance hnuaia thawkte.

20. FCS&CA Department in PDS Items sem tura phalna a pek, PDS Sticker belte.

21. PHE Department a emergency leh nigh duty te leh Tui zuar motor te.

22. I&PR Department Official duty te.

23. Kohhran hruaitu Kohhran serh leh sang pawimawhnaa chhuakte.

24. AH& Veterinary Deptt. a vawk hrileng (African Swine Fever) buaipuitute.

25. AH& Vety Slaughter House.

26. OSC leh Childline Emergency/Night Duty te.

27. Telecommunication & Internet Service Providers zan lam a duty tura ruat te.

28. Filling Station/Petrol Pump a zan lam duty tura ruat te.

29. District Magistrate leh Sub-Divisional Magistrate in phalna a pekte bakah District Magistrate in Covid 19 dona atana duty tura a ruatte.

 

Heng Exempted category in a huam te hian exempted an nih chhan ID emaw zan duty tura ruat an nihna Detailment order hi Police duty te endik theih turin an keng tel ngei tur a ni.