2211/2026-2027

Aizawl; 15th September, 2026: Vawiin  chawhnu  khan Vana Pa Hall-ah Aizawl DC office buatsaihin Bana kaih (Handholding) scheme hnuaia CM's  Special Package   phase –2 (III)  dawngtu progress partners 683 te hnenah package semna runpui programme buatsaih a ni a. Chawhmaah Line department 12 ten an Department hnuaia Progress Partner te tan Orientation Training an buatsaih theuh va, chawhnuah CM’s Package semna runpui hun hman a ni thung.

CM’s Special package semna hun hi Pu Zoramsiama Hmar, Addl.DC kaihhruaiin, Pu PC Vanlalruata, Hon’ble Ministser, Agriculture & Farmers Welfare chuan khuallian niin  hun a hmanpuia,  CM’s special package  phase-II (III)-a progress partner, Line department hrang hrang 12 aiawhte hnenah certificate a sem nghal  a ni. 

Vawiin CM’s Special package semna runpui-ah hian thu sawiin; Pu PC Vanlalruata chuan sawrkarin kut hnatawhtute tana policy kan duan te vawiina a taka tihhlawhtlina a awm mek hi Pathian leh mipui hnenah lawmthu ka sawi a.Politician te chuan ram kan  kaihhruai tum dan policy kan duanga,  mipui  hnenah kan zuar thin a ni. Mizoram mipui chuan Kan Chief Minister in  kut hnathawktu ten an thawhrimna rah an seng ve theih nan leh hmasawnna rahbi an tuk ve theih nana a Policy; Mizoram dung leh vanga kum tam a lo auchhuahpui tawh chu tihhlawhtlinin a awm mek a,kan CM min kaihruainaah hian Zoram mipuite aiawh pawhin lawmthu ka sawi a, Mizoram kut hnathawktute pawh an lawm hle a ni ni.Thlai thar Market kan inzawnpui bakah support price hmanga kan inzum zel avangin, kan kut hnathawktute  thlantui  chu a lo thlawnin a far tawh lo a ni, a ti.

Minister Pu Ruata chuan Progress Partner thlan hi uluk taka kalpui a nih thu sawiin, party base a thlan a ni lo a, eng party mi pawh ni se, Sawrkarin Mizoram hmasawnna tura thawhpui tlak leh Bana Kaih tlak a angaihte chu a thlangtu committee in an thlangchhuak mai a ni, a ti.

Progress partner te fuihna thuchah sawiin, Minister chuan  sawrkarin an chunga Rinna a nghah ngam angin, rintlaka awm tur leh an tanpuina pawisa dawn pawh a hmanna tur dik taka hmang  a, taimakna leh rinawmna nen dinchhuah  pui tum theuh turin a chah  a. Progress partner te chu monitoring team ten an hmalakna an endik hunah pawisa rulh ngai dinhmunah an din loh nan, an thu tiam tawhah nghet taka ding tlat turin a chah bawk.

Pu Ruata chuan Sawrkar chu mi dik leh taima te lamah a tan tlat thu sawiin, Mizoram hmasawnna tur leh anmahni dinhmun tha zawka an din theih nan,  tanpui sum an dawn te tha taka an hman theih nan duhsakna a hlan bawk a  ni.

Pu Vanlalrova, Addl,DC pawhin Keynote Address sawina hun  hmangin, CM’s Special Package hi a thlawna sum sem ringawt a ni lo, Project based a ni. Project-based kan tih kherna chhan pawh  ruahmanna felfai tak nena hma  lak tur a ni. Implementing department leh District Monitoring team ten an rawn umzui dawn che u a, kan zingah hian ti tak tak lo kan lo awm palh a nih chuan kan mualpho hle dawn a ni. Handholding Guide book page-5 na-ah chuan ‘pawisa hmang tha lo te chu hrem theih an ni anga, an pawisa dawn tawh laksak emaw, a pawisa hu thil dang chawitir theih a ni ang’ tih a awm kha kan hre reng dawn ni a, a ti.

Vawiin Aizawl district huam chhunga department wise-a CM’s Special package  Phase-2(III) dawngtu Progress Partner te awm zat chu: 

Tanpuina sum hi  installment a pe lovin, a vaiin vawikhatah  DBT( Direct Benefit Transfer)  in  Progress partner te  Bank account-ah  thunsak vek an ni ang.  Progress partner pakhat hnena  tanpuina sum ₹50,000  theuh  pek an ni ang.

Vawiin CM’s Special Package dawngtu Progress Partner kalkhawmte hi Pu V.Lalhmangaiha, DCIO chuan resource person niin CM’s Special Package chungchanga hriattur pawimawh leh  tih tur leh tihloh tur te a zirtir hnu-ah, ‘Vote of thanks’ sawiin vawiin programme hi a khar ta a ni.