No.3883/2020-2021

Village Council/Local Council inthlanpui August ni 27, 2020 atana inbuatsaihna kal mekah, Aizawl District chhunga Political Party aiawh Training, Aizawl DC Conference Hall-ah vawiin khan buatsaih a ni. He training hi Election Officer Pi V.Lalmuanpuii’n a kaihruai a ni.

Master Trainer Pi Christina Lalmuanzuali leh Pi R. Lalrinzuali ten thupui hrang hrang- Model Code of Conduct, Mizoram Prevention of Defacement of Property Act, 1995; Village Council leh Local Council inthlan (4th August-7th September,2020) chhunga inkaihhruaina leh Poll Day a Vehicle hman chungchanga hriattur pawimawh te zirtirna an nei a ni.

He hunah hian sawihona leh hriatthiamloh te inzawhfiahna hun hman a ni bawk a ni.