3064/2023-2024

Aizawl, 15.12.2023: Vawiin khan District Level Standing Committee on Rationalization of Polling Station chu Aizawl District chhunga Polling Station sawn leh hming thlak chungchanga dilna lut te ngaihtuahin DC Conference Hall ah Addl. DC Pu Isaac C. Lalrempuia hovin an thukhawm.

He meeting-ah hian Zemabawk North, Vaivakawn, Salem Veng, Chawnpui leh Tuikual South atanga Polling station hming thlak / hmunhma sawn dilna te chu uluk taka enho niin, dilna panga zinga pali chu a thuphunga pawm a ni a. Heng polling station te hi a hmunah enfiah a nih hnu in naktukah commission ah report pek a ni ang. Vawiina ngaihtuah bak hi committee thutkhawm hun leh a bawhzui ngai a awm thu an sawi.

District Level Standing Committee on Rationalization of Polling Station ah hian Aizawl SP, School Education Department, I&PR atangin leh Political Party tin aiawh leh CYMA, MHIP leh MUP aiawh te member an ni.