1734/2023-2024

Vawiin Ni 1st Sept, 2023 hian Aizawl khawpui chhunga PMAY HFA (U) hnuaia Insak tanpuina hmu turte sensitization Chanmari YMA Hall-ah neih chhunzawm a ni a. He hunah hian UD&PA Department a Officer leh staff ten mirethei Insak tanpuina dawngtu tur chhungkaw 300 vel hnenah tanpuina dawn chungchang leh Insak dan tur an hrilhfiah a ni. Aizawl khawmpui atan hian DPR 3 buatsaih a ni a, Insak tanpuina dawngtu tur (beneficiaries) awm thei zat chu 7570 an ni dawn a ni.

PMAY-HFA (Urban) Mission hnuaiah hian Mizoram pumah mirethei Insakna dawng tur (beneficiaries) chhungkaw 37244 an awm a, Insak tanpuina Chhungkaw 35737 ten Ist Installment Rs. 60,000/- theuh an dawng tawh a, ala dawnglo chhungkua 1507 te hi September ral hma in, Ist Installment Rs. 60,000/- theuh dawng tir hman turin theih tawp chhuah mek a ni. Kum 2024 ral hma ngeiin chhungkua zawng zawngte hi Insak tanpuina an dawng tur ang zawng zawng pe kim vek hman tura hmalak mek a ni.

PMAY Urban hnuaia Insak tanpuina dawng tur beneficiaries te hi Insak tanpuina (Fund) pek an nih hmain, UD&PA Department chuan inhrilhfiahna hun (Sensitization Programme) a nei phawt thin a. Vawiin a Aizawl khawpui chhunga kohkhawm te hi an vaiin Mi 300 an ni. Inhrilhfiahna hun hman zawh hian a dawngtu tur te hian an pawisa dawn te hi Insak nan ngei hmang tura Intiamkamna an ziah hnuah Fund hi an dawng chauh thin a ni. He Mission hi bultan a nih tirh atangin Ist Installment dawng thar turte apiang hi inhrilhfiahna hun UD&PA Department in a hmanpui zel thin a ni.

District leh khawpui dangah pawh hetiang inhrilhfiahna hun hi pawisa pek chhuah hma a neih zel thin a ni a. Tunlai hian khawpui hrang hrangah hman mek a ni. PMAY-HFA (Urban) Mission hnuaiah hian Mizoram khawpui hrang hrang 23-ah (Census) town) Insak tanpuina hi mek zel a ni.