1733/2023-2024

Dated Serchhip, the 1st September, 2023: Vawiin khan Social Welfare Minister Er. Lalrinawma, Tuikum Bialtu MLA chuan a bial chhung hmasawnna hnathawh enin Hmuntha khawtlang hruaitute nen inkawmna hun tha tak an hmang.

Minister Er. Lalrinawma chuan a bial enkawlna kawngah a ngaih pawimawh zual thil pathum- Eizawnna, Zirna leh Hriselna a nih thu a sawi a, bial chhung hmasawnna leh hmalaknaah mipuite nena thawhhona tha tak an nei chu lawmawm a tih thu a sawi. Khawchhung leh khaw inkar kawng bakah lo leh huan panna kawng (link road) laih tawhah hmasawnna nasa tak kan nei chu a lawmawm rualin a enkawl zuina kawngah mipuiten mawhphurna kan nei ve a ni, a ti a. Vantlang thil enkawlzuina kawngah khawtlang mipuiten neitu thinlung pu turin a chah a ni. Bialtu MLA chuan Hmuntha khaw mipuite chu intodelhna kawng zawhin eizawnna ngel nghet an nei chho zel chu lawmawm a tih thu a sawi a. Mahni eizawnna theuhah tih tak takna leh rinawmna nen kan thawh chuan kan khawtlang leh ram hian hma a sawn zel dawn a ni, Minister chuan a ti bawk.

Minister hian Futsal Ground siamna hnathawh mek Pharmual a mi chu a en nghal an bawk a ni.

Inkawm ho na hun hi Hmuntha VCP Pu H. Lalzuithanga'n a kaihruai a. YMA, MUP, MHIP, GSA, VC leh School aiawh te an tel a ni.