No.1117/2021-2022
Aizawl the 24th June, 2021 : Covid-19 hrileng dona kal zela inkharkhip vanga chhuanchham (destitute) chhungkua hnenah June 23, 2021 atangin Chief Minister’s Relief Fund thawhthumna chu Aizawl Deputy Commissioner, Chairman, District Task Force on COVID-19 ni chuan a semchhuak.
Aizawl District huam chhunga cheng chhungkaw 3075 hnenah a thawh khatnaah sem tawh niin, chhungkaw 3063 hnenah a thawh hnihna hi sem leh tawh a ni bawk a. A thawh thumnaah hian chhungkaw 4489 te hnenah semchhuah leh tan a ni a, Zone tin-a Incident Commander-te kaltlang in LLTF kutah hlan a ni, Zone tin-a chhungkua tanpuina pek zat chu hetiang hi a ni:
Zone I: 330 chhungkua
Zone II: 378 chhungkua
Zone III: 352 chhungkua
Zone IV: 359 chhungkua
Zone V: 599 chhungkua
Zone VI: 304 chhungkua
Zone VII: 370 chhungkua
Zone VIII: 338 chhungkua
Zone IX : 210 chhungkua
Zone X : 455 chhungkua
Zone XI: 167 chhungkua
Zone XII: 121 chhungkua
Zone XIII: 209 chhungkua
Zone XIV: 297 chhungkua
Chhungkua tanpui ngai te hi Deputy Commissioner chuan Incident Commander-te kaltlanga thehlut turin LLTF/VLTF te a hriattir thin a, hun tiam chhunga tanpui ngai dawn te chu Committee on Utilization of Chief Minister’s Relief Fund for Covid-19 ngaihtuah turin thehluh thin a ni. Hetia sanction a awm veleh hian a dawng tur ten rang taka an dawn theihna turin Deputy Commissioner Office lam chuan theihtawpin hma a la thin a, Incident Commander-te hian an bial theuha LLTF/VLTF te kutah an hlan ta thin a ni.
Covid-19 2.0 atana Deputy Commissioner, Aizawl in Chief Minister’s Relief Fund a sem chhuah tawh zawng zawng hi Phase-I ah cheng 61,50,000/- niin Phase-II ah cheng 89,78,000/- a ni a. Hemi bakah hian Home hrang hrang 43 (sawmli pathum) ah Social Welfare & Tribal Affairs Department kaltlangin 14,92,000/- sem chhuah mek a ni bawk.
