No.1118/2021-2022
Mamit 24th June : Vawiin khan Dr. Lalrozama, IAS Mamit District Bawrhsap leh Pu Vineet Kumar, IPS SP, Mamit te'n Saikhawthlir khua-a BOP an tlawh.
District Bawrhsap hian Chuhvel leh Saikhawthlir ramchhunga Pu John Halliday-a thlamsak avanga buaina awm chungchangah boruak thalo veng tura duty-te an awmhmunah tlawhin khawtlang hruaitute nen boruak tha a awm theihna tura hmalak dan tur sawiho a ni a. Saikhawthlir-ah hian tunhnaia Zemabawk atanga CRPF Platoon 1 sawnthlakte awmna tur hmunhmate enfel nghal niin Duty-a awm mek 3rd Battalion MAP/4th IR BOP tlawh nghal a ni bawk. Zemabawk atanga CRPF Platoon khatte hi a hmunah hian boruak thalo te veng tura dah an ni.
Dr. Lalrozama chuan tunhnaia Pu John Halliday-a thlamsak avanga buaina awm chungchangah Chuhvel leh Saikhawthlir khuate chu ram lehkha document an neihte vawngtha tura chahin, kan ramchhungah thlamuang taka awm turin a chah a. Ram venhim hna chu sawrkar-in a ngaih pawimawh ber a nih avangin ramdang/hmundang atanga kan ramchhunga buaina rawn siam an nih chuan a tul anga hmalak chu sawrkar-in a tum thu sawiin chutihrual chuan sawrkar hmalakna ngaichang thiam turin a ngen bawk.
Mamit District Bawrhsap hian Pu John Halliday-a thlam sak chungchanga buaina awm thlithlai hian Chuhvel leh Saikhawthlir hi tum thum a lo tlawh tawh a ni.
District Bawrhsap hi SDO(C) Kawrthah, SDPO Kawrthah, Saikhawthlir VCP bakah Member dangte'n an tawiawm a ni.
