No.2153/2021-2022

Aizawl, 7th September, 2021 : Covid-19 hrileng dona kal zel a inkharkhip vanga chhuanchham (destitute)chhungkua leh LLTF/VLTF 4C senso kalpui mek veng/khua te hnenah September Ni 2, 2021 atangin Chief Minister’s Relief Fund thawh ngana chu Aizawl Deputy Commissioner chuan a semchhuak.

Aizawl District huam chhunga cheng chhungkaw 3075 hnenah a thawh khatna ah sem niin, chhungkaw 3063 hnenah a thawh hnihna, chhungkaw 4489 hnenah a thawh thumna , chhungkaw 9750 leh LLTF tanpuina LLTF/VLTF Veng/Khua 31 hnenah cheng 20,000/- (singhnih) theuh in a thawh lina hi sem tawh a ni bawk a.

A thawh ngana-ah hian chhungkaw 7330 leh LLTF/VLTF 4C senso tanpuina atan veng/khua 57 te hnenah cheng 20,000/- (singhnih) theuh in semchhuah leh tan a ni a, Zone tin a Incident Commander-te kal tlang in LLTF/VLTF kutah hlan a ni, Zone tin-a chhungkua tanpuina pek zat chu hetiang hi a ni: Zone-I chhungkaw 578, Zone-II chhungkaw 697, Zone-III chhungkaw-1294, Zone-IV chhungkaw 785, Zone-V chhungkaw 1036, Zone-VI chhungkaw 666, Zone-VII chhungkaw 1422, Zone-VIII chhungkaw 596, Zone-IX chhungkaw 231, Zone-X chhungkaw 25.

Chhungkua tanpui ngaite leh LLTF/VLTF 4C enkawl mek tanpui ngaite hi Deputy Commissioner chuan Incident Commander-te kaltlanga theh lut turin LLTF/VLTF te a hriattir thin a, hun tiam chhunga tanpui ngai dawn te chu Committee on Utilization of Chief Minister’s Relief Fund for Covid-19 ngaihtuah turin thehluh thin a ni. Sanction a awm veleh hian a dawng tur te’n rang taka an dawn theih na turin Deputy Commissioner Office lam chuan theih tawp in hma a la thin a, Incident Commander-te hian an bial theuha LLTF/VLTF te kut ah an hlan ta thin a ni.

Covid-19 second wave atan a Deputy Commissioner, Aizawl in Chief Minister’s Relief Fund a sem chhuah tawh zawng zawng hi Phase-I Rs 61,50,000/-, Phase-II Rs 61,26,000/- , Phase-III Rs 90,28,000/-, Phase-IV Rs 1,52,45,000/- leh Phase-V Rs 1,58,00,000 /-a ni a.

Hemi bakah hian Home hrang hrang 43 (sawmli pathum) ah Social Welfare & Tribal Affairs Department kal tlangin Rs 14,92,000/- semchhuah a ni tawh bawk a. Mitdel khawlaia zai thin te’n tanpuina an dil pawh Committee on Utilization of Chief Minister’s Relief Fund for Covid-19 chuan Rs 2,000/- (cheng sang hnih) theuh in mi 8 (pariat) hnena pek turin Deputy Commissioner ah a hlan a, PwD Commissioner kal tlangin sem chhuah fel ani tawh bawk.