1225/2026-2027

AIZAWL; 29th June, 2026: Vawiin khan District AIDS Prevention and Control Committee(DAPCC), Aizawl district chuan DC Pisapui Hall-ah Addl. DC Pu Vanlalrova kaihruaina hnuaiah meeting an nei.

Vawiin meeting-ah hian kum 2025-2026 chhunga DAPCC hmalakna hrang hranga thlirletna hun hman a ni a. Aizawl district chhunga HIV+ hri kai thar pung zel tur ven leh a kai tawh hmuhchhuah vek tura hmalak dan tur khunkhan taka sawiho a ni a. Kum 2025-2026 chhunga DAPCC in kawng hrang hrang a hmalakna report chu Dr.R.Zonunmawii, DPM, DISHA chuan Power Point Presentation hmangin a entir a, chipchiar tak leh huangzau taka sawi ho a ni hnuah,DAPCC member kal khawm te atangin rawtna hrang hrang leh hmalak zel dan tur te ngaihthlak a ni bawk.

Report a tarlan dan in kum 2025-2026 chhung khan Aizawl district chhungah thisen( general) 36634 test atangin HIV+ hri pai mi 1005 ( 2.74%) hmuhchhuah niin, Nu naupai thisen 8595 test atangin HIV+ hri pai mi 52(0.60%) hmuchhuah a ni bawk. HIV+ kai te hi kum 25-35 inkar mi an tam ber a,mi 381 an ni a. Kum 14 hnuailam pawh mi 14 an awm a, kum 50 chunglam mi 79 an awm bawk.

HIV+ an kaina chu: Heterosexual atangin 762 (76.3%0, Homosexual/Bisexual atangin 62 (6.4%), Hriau inhmantawm atangin 160 (14.7%), Nu leh Pa atangin 12 (1.5%) leh kaina hriat loh( not specified) 9(0.8%) te an ni. Aizawl district chhungah ART la lai mi 10715 an awm mek. TB leh HIV+ kai kawp mi 14 an awm mek bawk.

High Risk Group heng : 1) Injecting Drug user thisen 3613 test atangin HIV+ hrik kai 39, 2) Female Sex Worker thisen 366 test atangin HIV+ hrik kai 12 leh 2)Men having sex with men (MSM) thisen 733 test atangin HIV+ hrik kai mi 13 hmuhchhuah an ni.

A mamawh ten Condom an lak zung zung theihna tur hrilhhriatna condom Finder Apps la tlangzarh chiah lo, a demo thlirho a ni a, tha zawk leh changtlung zawka siam dan tur rawtna te meeting member te atangin ngaihthlak a ni bawk.

Vawiin meeting-ah hian  Red Ribbon School Quiz Competition, 2026 buatsaih dan tur sawiho nghal niin, a lo buaipui turin  DAPCC chuan District Education Officer’s Office leh Sr.CMO office te  a ruat nghal bawk.