4759/2025-2026

Aizawl;the 10^th March,2026: Vawiin  khan  Aizawl DC  Pisapui Hall-ah District Consultative Committee(DCC)/ District Level Review Committee (DLRC)/ District Level Security Committee (DLSC) (for quarter ended  December, 2025) meeting neih a ni a. Meeting hi DCC/DLRC/DLSC Chairman aiawhin Pu Zoremsiama Hmar, Addl.DC  chuan kaihruaiin,meeting-ah hian Quarter ended  December,2025 thlenga Aizawl district chhunga Bank hrang hrang te hnathawh leh hmalakna te, Sawrkar Department nena sawrkar laipui schemes leh Projects hrang hrang te tih hlawhtling tura thawhho dan te leh Bank Security chungchang te thlir hova, huang zau taka sawi ho a ni.

Vawiin meeting Chairman Pu  Zoramsiama Hmar chuan  concern  department-a Head of Office te’n meeting an ngai pawimawh viau laia, Banker  lam zawkin meeting ngai pawimawh lova, Banker thahnem tak  meeting-a an absent  chu a lungchhiat thlak  thu sawiin,  meeting-a tel lo banker te hnenah Show cause notice peka, a tul dan anga thuneitu hnenah pawh thlen a tul ang, a ti.  Pu Zoramsiama chuan  DCC/DLRC/DLSR quarterly meeting hi Bank hrang hrang ten engtin nge mipui rawng an bawl tih enletna te, hmasawn an ngaihna leh tan an lak zual ngaina lai te, Bank Security leh a khaihhnawih thil te,sawrkar department nen tha zawka thawhho dan tur te sawihona leh inhrilhhriatna platform pawimawh tak a ni a. Chuvangin vawiin ang meeting pawimawh ngaihsak lo Banker te chungah hian a lungawi thlak lo viau a ni, a ti. Sawrkar laipuiin mipui te hamthatna tura project leh scheme hrang hrang a duan te tih hlawhtling tir tura Banker te leh concern sawrkar Department te hi thawkho tur kan ni a.Mipui lainatna leh hmangaihna nena kan hna hi tha taka thawk turin sawrkar chuan min beisei a ni, a ti bawk.

Vawiin meeting-ah hian heng agenda hrang hrang:

• Adoption of Minutes
• Security Related Issues
• Cash/currency management
• Review of Non Performing Assets (NPA)
• Review of Credit/Deposit Ratio
• Review of Credit Disbursement of Banks under ACP ( Priority/Non Priority Sector)
• Review of Bank wise progress under SHG,KCC,PMEGP,PMMY,PMJDY te hi chhawpchhuah niin, ngunthluk taka thlirhoa, sawiho a ni.
  

Quarter ended Decem ber,2025 a Aizawl District pumpuia overall CD ratio hi 45.46%  niin, Quarter ended September,2025 (CD Ratio-51.69%) a ni laiin,  quarter ended December,2025- ah chuan 6.21% a tla hniamin,CD Ratio hi 45.46 chauh a ni. Quarter ended December,2025 chhunga CD Ratio tam ber hi Indian Bank niin, 489.45% a ni a. A tlem ber hi YES Bank niin, 4.62% a ni thung.

Aizawl district chhungah hian Bank 24 awmin, chung zing atang chuan CD ratio 20% hnuailam Bank 4 an awm a.20% to 30% inkar nei Bank 1 awmin,30% to 40% inkar nei bank 2 a awm a. 40% aia tam CD Ratio neih Bank 17 an awm mek a ni.