4760/2025-2026

Dated: Mamit the 10th of March, 2026: Vawiin khan DC Conference Hall,Mamit-ah Mahila Jan Sunwai - hmeichhia harsatna tawkte a thlawna thubuai remsakna leh Hmeichhiate Ni(International Women’s Day) hun hman niin Dr Hmingthanzuali, Member, Mizoram State Commission for Women leh Pi Carolyn LB Khiangte,Addl DC, Mamit te chuan hun an hmanpui.

Dr Hmingthanzuali chuan National Commission for Women ina a ngaihpawimawh Mahila Jan Sunwai leh IWD 2026 lawman Hun Mamit hman a ni thei chu lawmawm a tih thu sawiin hmeichhiate chawimawi leh dawmkanna kawngah hma kan sawn zel chu changkanna tehfung pawimawh a ni a ti a, hmeichhiate hian kan dikna leh chanvo hriaa in chawikan leh chawimawi hi kan chhunzawm zel a tha a ni. Dr Hmingthanzuali chuan Mizoram State Commission for Women chuan hmeichhia te harsatna sutkian chu a tum ber niin nasa takin hemi kawngah hian hma à la a,2025 atanga vawiin ni theng Commission hnuaiah hian 143 case a lut tawh a, nu leh fa enkawl tumna tur chungchangte, hleihlenna tawrh te, intih hmingchhiat leh hmeichhe harsatna hmachhawn hrang hrang te a ni a,office a kal harsa te tan Ph no- 6909588820 ah biak theih reng an nih thu a sawi.

Vawiin hunah hian Pi Carolyn LB Khiangte chuan hmeichhiate leh naupangte tana thawk zawng zawng te chu chhuanawm tiin midang tana entawntlaka nung zel turin a chah a, IWD 2026 theme “Give to Gain” chu kan nuna vawn a pawimawh a, Mizo inzirtirna nen pawh inmilhin midang kan tanpui hian tanpuina kan dawng let zel a ni a ti.

Vawiin hun hi Pu Lalruatmawia, DPO,WCD chuan a kaihruai a, chawhma lamah International Women’s Day 2026 lawmna hun hman a ni a, Women achiever’s pahnih hnenah chawimawina hlan a ni 

1. Zohmingliani - Thirdeng a eizawng
2. H.Lalhlimpuii- Chhang siam a eizawng

Chawnhnu session-ah hian Mahila Jan Sunwai- hmeichhia harsatna tawkte a thlawna thubuai remsakna( Free Legal public hearing) hun hman a ni a, Pi Carolyn LB Khiangte,Addl DC, Dr Hmingthanzuali,Member Mizoram State Commission for Women, Pi C.Lalbiaksiami, Addl SP, Pu Lalruatmawia Ralte,DPO,WCD bakah DLSA member ten thubuai hi an ngaihthlak sak ang.