542/2022-2023
Aizawl, the 19th May 2022 : Aizawl District Disaster Management Authority (ADDMA) leh Aquatics Association of Mizoram te tangkawp chuan 16th May, 2022 atanga 19th May 2022 thleng (Ni 3) chhung awh 'Water Rescue and Retrieval of Drowned Victims Training' chu Aquatics Association of Mizoram te swimming pool, ITI Veng ah an buatsaih a.

Training kharna hi Dr. Lalhriatzuali Ralte, IAS Deputy Commissioner, Aizawl leh Executive Members, Aquatics Association of Mizoram ten an hman pui a. Deputy Commissioner hian khaw hrang hrang atanga training rawn tel te hnenah life jacket hlan na a nei bakah, mahni awmna hmun theuh ah chhiatna tawkte tanpui tura theih tawp lo chhuah theuh tur leh mahni taksa te ruitheihthil laka in vawng uluk turin a chah a ni

He Training ah hian Quick Response Team (QRT) ADDMA te bakah Aizawl District chhunga tui hnaih khua, khaw 9 atanga volunteer te Training pek an ni. Training ah hian tui tla in chhan dan te, tui tla ruang zawn dan te, chhanchhuaktu tana chetlak dan tur pawimawh te, scuba gear hmanga tuichhung luh dan te zir a ni.

Training pe tute hi Pu Darthantluanga, Sairang, Pu H.Lalhruaizela Coach, Aquatics Association of Mizoram leh Pu Benjamin Malsawmkima, Sairang te an ni.