Vawiin khan SSA Mission Aizawl District, District Education Commitee vawi 34 na chu Aizawl DC Conference Hall ah neih a ni a, Dr A.Muthamma, DC leh Chairman, DEC Aizawl in a kaihruaia, meeting ah hian meeting hmasaa thurelte pawm niin Civil works atan a sum hmuh cheng Nuai 216.76 hmanga school 56 sak that leh siam thatna tur pawm a ni.

He meeting ah hian Mid-day meal kum thar 2018-19 annual work plan & budget atan cheng Nuai 420.21, Management, Monitoring & Evaluation atan cheng Nuai 30 thehluh tawh a nih thu tarlan a nih bakah eirawngbawlna hmanrua atan school pakhat in cheng Sangnga zel a an dawn turin leh Primary school 138 leh Middle school 105 tan cheng Nuai 12.15 pekchhuah a nih tawh thu tarlan a ni bawk.