Vawiin khan Aizawl District SSA Mission rorelna sang ber District Education Committee, SSA Mission Aizawl District Meeting vawi 32-na chu Aizawl DC leh Chairman, DEC SSA Mission Aizawl District ni bawk Pu Kannan Gopinathan, IAS kaihhruaina hnuaiah DC Conference Hall-ah neih a ni.

He meeting-a an thurel te chu a hnuaia mi ang hi a ni :

1. Project Approval Board meeting, Ministry of HRD-in a pawm angin SSA Aizawl District-in kum 2017-18 atana a budget tur cheng nuai 2484.64 chu a hmanna tur Programme of Action nen sawiho niin pawm nghal a ni.

2. SSA Mission Aizawl District-in financial year a hman mek (April 2017-August 2018) atan fund dawn tawh leh hmalakna tawhna leh sum hmanralna te report pawm a ni a. Fund dawn tawh hi cheng nuai 413.975 niin hmanral tawh zat chu cheng nuai 409.01867 a ni.

3. Hmalakna dang kalpui mek te thlirho nghal a ni a. SSA project hnuaia mi ni chiah lo mahse zirna tihhmasawn a, Quality Education neih nana Aizawl DC leh Chairman, DEC SSA Mission Aizawl District ni bawk Pu Kannan Gopinathan kaihhruaina hnuaia Aizawl DC Office-in SSA District Project Office kaltlanga a hmalakna hrang hrang - School Visit by Distinguihsed Persons, English Learning Foundation Course for Teachers leh Project HIMNA (MADAT)-Early Intervention against Tobacco & Drug Usage in elementray schools te chu sawiho a ni bawk.