2061/2023-2024

Kumin Mizoram Inthlanpui 2023 atana inbuatsaihna kal zelah Aizawl District huamchhunga election kaihhnawih thil pawimawh hrang hranga mawhphurhtu ‘Nodal Officers’ te chu vawiin khan DC Conference Hall-ah District Bawrhsap leh District Election Officer Pi Nazuk Kumar kaihhruaina hnuaiah an thukhawm.

DC/District Election Officer Pi Nazuk Kumar chuan inthlan hlawhtling taka kalpui a nih theih nan Nodal Officer-ten mahni hna chan pual theuhah theihtawp chhuah bakah Nodal Officer leh Assistant Nodal Officer zawng zawngte inkarah thawhhona tha tak nei turin a tul apiangah inhrilh leh inrawn hreh lo turin a chah a. NO / ANO te chuan an mawhphurnate felfai taka an hlenchhuah theuh theihna turin ECI-in inkaihhruaina a siamte bel taka lo inzir turin a chah bawk.

Vawiin meeting-ah hian DC/District Election Officer chuan Nodal Officer / Asst. Nodal Officer-te chu an chanpual theuh sawipuiin, Inthlanpui atana inbuatsaihna leh hmalakna hrang hrang awm tawhte leh awm mekte pawh a tarlang a. Kumin Inthlanpui atana Aizawl DC/DEO kaihhruaina hnuaiah hian heng election kaihhnawih thil pawimawh 21-ah te hian NO/Asst NO ruat vek an ni : 1) Election Expenditure Monitoring, 2) Electronic Voting Machines (EVM/VVPAT), 3) Election Materials & Forms, 4) Observers, 5) Law & Order / Model Code of Conduct, 6) Media, 7) Training, 8) Polling Personnel Management, 9) Political Parties & Electoral Rolls, 10) Ballot Paper, Postal Ballots & ETPBS, 11) SVEEP, 12) Despatch & Receiving, 13) Helpline, Complaint Monitoring Control Room & Call Centre, 14) Excise, 15) Police / Security and CAPF, 16) Vehicle / Transport, 17) Computerisations and IT Applications, 18) Counting of Votes & Counting Hall, 19) Polling Station / Polling Staff Welfare, 20) Communication Plan / Connectivity leh 21) Accessibility / PwDs.

Vawiin Nodal Officer thutkhawmnaah hian Aizawl District Addl. DC Pu Lalrinzuala leh Election Officer Pu Lalnunfela Chawngthu te pawh an tel a ni.