2739/2024-2025

Aizawl, 29.10.2024: Election Commission of India thuchhuak angin Mizoram pumah Photo Electoral Rolls Special Summary Revision, 2025 neih a ni dawn a. Vawiin khan Aizawl DC, District Election Officer ni bawk Er. Lalhriatpuia chuan DC Conference Hall-ah mipui en theih turin hemi atan hian Draft Electoral Roll a tlangzarh.

Electoral Roll siamthatna Special Summary Revision tuna neih turah hian qualifying date atan January ni 1, 2025 hman tur a ni a. Hemi ni a kum 18 tling tawh turte chu roll ah hian belh theih tihna a ni. October ni 29, 2024 atanga November ni 28, 2024 chhung hian hming thunluh ngai, paih ngai leh siamthat ngaite tan dilna hun hawn a ni ang, heng dilna lutte hi ERO/AERO ten an enfiah ang a. December 24, 2024 ral hmain Form lutte hi chinfel hman tur a ni a. January 6, 2025 ah Final Roll publish a ni ang.

Tun dinhmunah Aizawl District-ah Assembly Constituency 12 a awm a. Draft Photo Electoral Rolls-a Elector awmzat chu mipa 135159 leh hmeichhia 153803, an vaiin mi 288962 an ni. 

Draft Electoral Rolls, 2025 atanga a lan dan in Aizawl District chhunga Voter tlemna ber Polling Station chu 7-Tuivawl (ST) AC, 26-Chhanchhuahna Polling Station niin Voter 85 an awm a, Voter tamna ber chu 13-Aizawl East-I AC, 24-Zemabawk-VIII Polling Station niin Voter 1494 an awm a ni.

Aizawl District-ah EPIC 100% coverage neih a ni (Roll a chuang zawng zawngte EPIC issue vek an ni). Aizawl District huam chhunga Assembly Constituency 12-ah hian Polling Station 324 a awm a, average-a lakin Polling Station pakhat zelah Elector 892 awm ang an ni a. Aizawl District huam chhunga Assembly Constituency 12-ah hian Service Voter 1422 an awm a ni.

Election Commission of India-in ruahmanna a rawn siam angin, mi tupawh in Draft Electoral Rolls hi a lei duh chuan a soft copy (without photo) Rs. 100/- in leh a hard copy phek 1 Rs. 5/-zelin lei theih a ni. Hard copy lei duhte chuan sawi lawk hmasak tur a ni a. A phek duh lai chauh lei theih a ni lo.

Aizawl DC chuan Special Summary Revision of Photo Electoral Rolls, 2025 hi tluang tak leh hlawhtling taka kan neih theih nan, ERO, AERO leh BLO, Local Council, V/C, Political Parties, tlawmngai pawl hrang hrangte leh Media te thahnem ngai taka min thawhpui turin a sawm a ni.

Attachment

  • Loading attachment...