2738/2024-2025

Dated: Mamit the 29th of October, 2024 : Mamit khawpui chhunga Sawrkar hnathawkte inhmelhriatna leh inpawh zawkna a awm theih nana Mamit Officers' Club hmalakna a neih thin 5th MOC Inter- Departmental Sport -2024 chu tukin khan Bungzawl Field-ah tan a ni a. Pu Malsawmzuala, Project Director DRDO in a hawng.

Pu Malsawmzuala chuan sawrkar hnathawkte inhmelhriatna leh inpawh tawnna a awm theih nana sport buaipuitute chungah lawmthu a sawi a, buatsaih chhan a nih ang takin hmelhriat thar neih nana kan hman a tul a, chu chuan kan hmalam hunah thawhhona tha zawk min pek a beisei thu sawiin intihsiakah chaklo zawk leh chakzawk nih thiam tur leh hriselna tha zawk kan neih nana chhawr tangkai tum turin a chah.

5th MOC Inter-Departmental Sport ni 29th Oct - 1st Nov, leh 3rd-6th December, 2024 chhunga neih tur hawnna hi Pu Lalsangzuala Ralte, Asst Commissioner, Excise & Narcotics chuan kaihruaiin Pu B.Lalhmachhuana, Sport organising Committee-in  a report danin Mamit khawpui chhunga Sawrkar Department hrang hrangte House 4 ah inthen a ni a, house khatah hian members 260 vel theuh awmin Disipline 9 ah inelna neih a ni ang.