2128/2022-2023
Aizawl the 30th September 2022 : Vawiin nileng khan Aizawl District Children Science Congress chu Directorate of School Education Conference Hall-ah neih a ni a, Dr. H. Lalthlangliana, Director, School Education chu khuallian niin a hmanpui. He Children Science Congressah hian Theme atan "Understanding Ecosystem for Health and Well Being" tih a ni.

Khuallian Dr. H. Lalthlangliana chuan Children Science Congress hi thingtlang lam thlengin hlut a hlawh chho zel a, kan uar zel pawh a tul thu a sawi a, Scientist nih hi kan ram tana hlu a, Science a mithiam tak tak kan neih hnu hian kan ram hian hmasawnna a kal chak phah a ni a ti a, Sa ei tur intodelh tum te, Tui enkawl leh Bawlhhlawh kan sawngbawl dan thlengin Scientific taka enkawl leh hmalak a tul a ni a ti.

Khuallian chuan sawi zelin, ram inrelbawlnaah pawh Scientific rilru pu-a kan tih a ngai tawh a, ram leh chhungkaw enkawl nan pawh scienc thiamna kan hman tangkai a tul tawh tak zet a ni a ti bawk.

Children Science Congress hi Samagra Shiksha Mizoram, Aizawl District leh Science Teachers Association Mizoram (STAM) buatsaih a ni a, School hrang hrang 10 a\angin Project 16 chu naupangten Presentation an pe a ni. District Level-a ti tha thlanchhuan te hian State Level Children Science Congress-ah Presentation an nei leh anga, chuta ti tha thlanchhuah te chuan National Level Children Science Congress-ah an kal dawn a ni.

Children Science Congress hi Pu Lalramthianghlima, District Project Coordinator, Aizawl District, Samagra Shiksha Mizoram in a kaihruai a, Dr. Lalrinthara Pachuau, Asst Professor, Department of Physics, PUC, Dr. K. Vanlaldinpuia, Asst Professor, Department of Chemistry, PUC leh Dr. Jehovah Ringzuala, Surgeon, Trinity Hospital te chu evaluator an ni.