2149/2024-2025

Aizawl, 20.09.2024: Vawiin khan Vaivakawn Cultural Centre-ah Aizawl District Level Red Ribbon Quiz Competition buatsaih a ni a. District AIDS Prevention and Control Committee (DAPCC) hmalakna a buatsaih a ni.

He hunah hian Aizawl DC Er. Lalhriatpuia, District AIDS Prevention and Control Committeeb Chairman ni bawk chuan thu sawiin, zirlai leh thalai te’n HIV/AIDS natna hlauhawmzia leh tihbaizawmzia te an hriatchian a, heng natna laka an him theih nan a an nun an uluk a pawimawhzia an hriat belh a duh thu a sawi.

Quiz Competition bakah kar leh lama Dance Competition, Debate leh Photo Booth making competition neih tum a nih thu a sawi bawk.

DAPCC Vice Chairman Dr. Lalbiaksiami, Sr. Chief Medical Officer, Aizawl West chuan sawihawnna neiin, DAPCC hmalakna lo kalpui tawh leh hmabak hrang hrang la awmte a sawi a. Dr. R. Lalnienga, Dy. Chief Medical Officer, Aizawl West leh Member Secretary, DAPCC ni bawk chuan lawmthu sawiin hun a khar a ni.

Quiz Competition a lawmman danwgtute chu hengte hi an ni:

1) Govt. Mizo High School: Lalrinngheta Ralte & Lalrinawma

2) St. Paul’s Hr. Sec. School: Zonunsangi & Andrew Lalruattluanga

3) Govt. Mizo High School: Freddy Lalfakawma & Vanrammawii Fanai

Consolation Prize: Synod Hr. Sec. School: Joseph Lalhriatzuala & V. Zothanmawii