No.3577/2020-2020

Aizawl. 29th July, 2020 : State Election Commission, Mizoram thupek angin 01.01.2020 Qualifying date-a hmangin Summary Revision of Local/Village Council Electoral Rolls, 2020 neih a ni a, Vawiin chawhnu dar 2:00 khan Aizawl District Election Officer Pu R. Lalramnghaka chuan DC’s Conference Hall, Aizawl-ah Local/Village Council Election, 2020 a Aizawl District a hman tur Final Electoral Rolls a tlangzarh.

Aizawl District-ah hian Local Council 83 awm in Village Council 67 a awm a. March ni 13, 2020 khan mipuite en theih turin Draft Electoral Rolls, 2020 chu tarchhuah a ni. March ni 18, 2020 thlengin roll a luh, paih leh siamthat dilna chi hrang hrang thehluhna hun hawn a ni.

Hun tiam chhunga dilna lutte chu 15.07.2020 - 21.07.2020 chhungin MERO / AMERO/ERO/AERO ten Veng /Khawtina VC, NGO, BLO leh Political Party-te tawiawmnain an enfiah a. MERO/AMERO/ERO/AERO-te Form thehluh hming thun thar, hming paih leh siamthat ngaite chu seceroll software-ah thun a ni.

Form hrang hrang lut chinfel a nih hnuin Electoral Rolls, 2020 chu mipuite en theih turin ni vawiin khan peih fel a ni a. He Roll hi a duh apiang en theih turin DC Office, MERO/AMERO/ERO/AERO office bakah vengchhunga Local Level Officer/Village Level Officer te hnenah dah a ni ang.

Aizawl District-a Local Council 83 ah hian, Final Electoral Roll-ah vote nei 2,18,758 (Hmeichhia 1,17,037 leh Mipa 1,01,721) an awm a, Draft Electoral Roll aiin mi 2,205 in Final Roll ah hian an tlem zawk a ni. Village Council 67 –ah hian Final Electoral Roll-ah vote nei 59,381 an awm (Hmeichhia 30,326 leh Mipa 29,055), mi 87 in Final Roll ah hian an pun belh thung a ni.

Summary Revision of Local/Village Council Electoral Rolls, 2020 tluang tak leh hlawhtling taka neih a nih theih nana rim tak leh thahnemngai taka thawktu - MERO, AMERO, ERO, AERO, LLO, VLO, LC, VC, Political Party, NGO-te chungah District Election Officer, Aizawl chuan lawmthu a sawi a ni.