Aizawl District Magistrate Pu Kannan Gopinathan, IAS chuan Section 144 of the Code of Criminal Procedure, 1973 (Cr. PC 144) in thuneihna a pek tlawhchhanin Zarkawt Traffic Point leh Hrangbana College (Mc Donald Hill leh a chheh vel) inkarah mihring 5 (panga) aia tam awmkhawm a khap a, kawng chi hrang hranga lungawilohna lantir (vantlang inkhawm, chawngheia nawrh, dharna etc.) khap a ni. He khapna thupek hian Police thiltih te, sawrkar buatsaih inkhawm te, kohhran Pathian biak inkhawm te, Zirna In hrang hrang School leh College thiltih te a huam lo thung.

Khapna thupek hi March ni 29, 2017 (Nilaini) zing dar 7:00 atanga thuleh awm hma chu thla hnih chhung hman tur a ni.