Mizoram Legislative Assembly Session chu dt. 14^th – 30^th March, 2017 chhung neih a nih dawn avangin harsatna a awm lohna turin March 10, 2017 a thupek chhuah a nih tawh hnuah tun laia pawl thenkhat ten lungawilohna hi hrang hrang an thlen avanga boruak muanawm a awm theih nan March 29, 2017 hian Sub-Divisional Magistrate, Aizawl (Sadar) Sub Division chuan Section 144, Cr.P.C, 1973 (Act II of 1974) in thuneihna a pek angin hetiang hian  thupek a chhuah a ni:

Heng hmun – Hmar lamah Taxation Office atanga Vanapa Hall area leh Head Office, Treasury Square, Aizawl atanga Raj Bhawan chhimlam gate inkarah hian vantlang, politics, sakhuana leh thildang engvang mahin mipui punkhawm phal a ni lova, Hunger Strike leh bengchheng siam te pawh khap tlat a ni.

He thupek hian thla hnih (2 months) chhung a huam ang.