Hunpui kan hman thin, Krismas leh Kumthar lawmna vuakveta halpuah leh halmawi chi hrang hrang hal thin in mihringte tan thil tha lo leh hlauhawm a thlen theih avangin leh Chief Secretary, Mizoram hriattirna (Memo No. CS/MIZ/HOME-2019 Dt. 22-11-2019) bawhzuiin Pu Vanlalngaihsaka, District Magistrate, Aizawl District, Aizawl chuan Section 144 Cr.P.C 1973 (Act II of 1974) in thuneihna a pek angin a hnuaia inziak ang hian Aizawl District huamchhung a hman nghal turin khapna thupek a siam.

1. Mi tumahin phailam emaw hmundang atangin halpuah leh halmawi chi reng reng an la lut tur a ni lo.
2. Krismas leh Kumthar vuakvetah mi tumahin halpuah leh halmawi an zuar/hralh tur a ni lova, an hal tur a ni hek lo.
3. He thupek hian chhuah a nih atanga thlahnih (2) chhung a huam ang a, thupek zawm lo leh bawhchhiate chu dan angin an chungah hremna lek a ni. ang.

He thupek hi vawiin 16th December, 2019 hian a hming ziak hnan a Court Seal-a nemnghetin a chhuah a ni.