1828/2025-2026

8th October, 2025 : Aizawl District Magistrate Er. Lalhriatpuia, Deputy Commissioner Aizawl District ni bawk chuan PHALNA nei lova Petrol leh Diesel khapna thupek (dt 7.10.2025) chu a hnuai ami ang hian a chhuah:

"Mahni remhriat dana petrol leh diesel dah that a, zawrh ve ngawt hi a him lo em em a. Fimkhur tawk loh vangin kangmei nasa tak tichhuakin nunna hial chân theihna khawpa hlauhawm a ni. Tin, Section 5 & 6 of the Mizoram Motor Spirit and High Speed Diesel (Prevention of Malpractices in Supply and Distribution) Order, 1992 chuan phalna neilova petrol leh diesel zawrh a khap tlat a ni.

"Chuvangin, kei, Er. Lalhriatpuia, IAS, District Magistrate, Aizawl District hian dân ang taka petrol leh diesel hralh a lo nih theihna tur leh mipuite kan lo him tlan zawk nan Section 163, BNSS 2023 in thuneihna min pek angin a hnuaia thupek hi ka chhuah e.

"Aizawl District huamchhungah mi tumahin phalna nei lovin Petrol leh Diesel an zuarin an hralh tur a ni lo."

He khapna thupek zawm lo te chu an petrol/diesel man sak an nih dawn bakah Section 223 BNS 2023 hmangin an chungah hremna lek a ni ang. He thupek hi chhuah a nih atangin thla hnih (2 months) chhung a huam ang.

District Magistrate Seal-a nemnghetin he thupek hi vawiin Dt. 7.10.2025 hian hming ka ziah hnan e.