1827/2025-2026

Dated Aizawl the 9th October, 2025: Ni hnih awh ‘Capacity Building Training on Wildlife Crime Investigation’ chu October 8 leh 9 khan Forest Training School, Bethlehem Vengthlang, Aizawl-ah Mizoram Forest Officer-te leh Police Officer-te tan buatsaih a ni a.

He programme hi Wildlife Crime Control Bureau (WCCB), Eastern Region, Kolkata leh Mizoram Environment Forest &Climate Change (EF&CC) Department te’n ‘Nungcha Humhalh Hapta’ vawi 71-na denchhena an huaihawt a ni.

Training pe tura WCCB atanga rawn kal te chu:

• Pu Abhijit Roy Chowdhury, Additional Director, Eastern Region, WCCB,
• Pu Samir Majumder, Senior Govt. Advocate
• Pu Shahbaaz Hussain, Senior Consultant, MHA
• Pu Koushik Mondal, Wildlife Inspector, WCCB

October Ni 8 khan Pu Ravi Horo, PCCF Mizoram kaihhruaina hnuaiah training hawnna neih a ni a. Pu Agni Mitra, CF (Planning) in a hmunah a hmanpui bawk a. Training tur hian Forest Department atangin mi 27 leh Police Department atangin mi 8 thlanchhuah an ni a, an vaiin mi 35 an ni.

He training programme-ah hian India ramchhung leh a bikin North East-a dan lova nungchate laka pawikhawihna thleng thin te en ho a ni a. Chipchiar zawkin The Wildlife (Protection) Act, 1972 leh court-a case kalpui dante zirho a ni.

A ni hnihna, October Ni 9 ah training hi khar a ni a. Trainee-te atangin ngaihdan leh thurawn lakkhawm a ni a. Pu A. Roy Chowdhury, Addl. Director, WCCB, Eastern Region chuan training chhimtute hnenah lawmthu sawiin, trainee zawng zawngte hnenah certificate hlan an ni bawk. He training programme hi tangkai taka hmang chhunzawm turin Police Department leh Forest Department atanga training chhimtute chah an ni.