1822/2025-2026
Aizawl the 25th August, 2025 : Tunlai hian insakna bungrua chi hrang hrang heng rod, balu, rora, brick, cubic leh a dangte vantlang kawngpui sir ah rei tak tak dah thin kan awm tih hriat a ni a. Hei hian kawng a ti chep em em a, ke-a kawng kal te tan harsatna a siam bakah lirthei chetsualna hial a thlen thei a ni.
Chuvangin, Er. Lalhriatpuia, District Magistrate, Aizawl District chuan mipui vantlangte kan lo him zawk nan Section 163, BNSS 2023 in thuneihna a pek angin a hnuaia khapna thupek hi a chhuah.
"Aizawl District huamchhung kawngpui sir khawi hmunah pawh heng —rod, balu, rora, brick, cubic leh insakna bungrua dang te mi turnahin an dah in an chhawp hnawk tur a ni lo"
He khapna thupek zawm lo te chu an chungah Section 223 BNS 2023 hmangin hremna lek a ni ang. Chhuah a nih atangin thla hnih (2 months) chhung he thupek hian a huam ang. District Magistrate Seal-a nemnghetin vawiin Dt. 25.8.2025 hian he thupek hi a chhuah.
