1823/2025-2026

Aizawl, the 25th August 2025: Vawiin khan CM Conference Hall-ah Chief Minister Pu Lalduhoma kaihhruaiin Chief Minister's Rubber Missions chungchang meeting neih a ni a. Pu Lalthansanga, Minister, Land Resources, Soil & Water Conservation leh Department official te, Mizoram Rubber Society hotute an tel.

Meeting-ah hian CM Rubber Missions, thawh hnihna (second phase) kalpui dan tur tlangpui an sawi a. Ram hectare khata zauva Rubber kung 450 vel phun hi chhungkaw pakhat tan a beitham deuh dawna a lan avangin hectare hniha zau thlenga an tihzauh theih tur ram pek dan awm thei se. Tanpuina hi chu hectare khat atan pek phawt a, a tul anga a kumleh lama a pek belh dan dap thin ni se, an ti. Tin, rubber tiak tha chauh loneituten an dawn theih nana hmalak dan tur tha nia an hriatte an sawi  a. A chingtu turten a chi tha, chintlak nia an hriat chauh an lei theih dan ruahmanna siam ni se, an ti.

Progress Partner thlan dan tur pawh chipchiar takin an sawi a ni.

Kan lo tarlan thin tawh angin Chief Minister Rubber Mission hi NABARD fund leh Handholding sum hmanga kalpui mek a ni a. A thawh hnihna atan inbuatsaih chhoh mek niin a thawh hnihnaah hian Handholding atangin chhungkaw 1373 leh NABARD atangin chhungkaw 1200 te nena thawhho tur a ni.