Tunlai hian Aizawl District huamchhungah ui enkawl that loh avanga harsatna thleng hriat a ni a. Mipuite kan him zawk nan leh khawlai alo thianghlim zawk nan ‘The Mizoram Animal (Control & Taxation Act)’ hnuaia ran khuahkhirhna zawm turin hriattir kan ni e.

1)Ui vulh khawlaiah amahin chhuahtir tur a ni lo.

2)Ui vulh khawlaia chhuahpuiin a awm tawk a sei hrui hmanga hlingin khuahkhirh tur a ni.

3)Khawlaia mahni ui vulh ek, zun, luak leh tawp hnawk kalsan tur a ni lova, thenfai ngei ngei tur a ni.

4)Mi tupawhin a ui vulhte an mahni Bialtu Local Council/Village Council hnenah a hriattirin, a register tur a ni.

5) Khawlaia ui chhuak midang tana hnawksak a awmin a tlatna Bialtu Local Council/Village Council te kaihhruaina hnuaiah an man ang a, dan in a sawi angin a neituten an tlan loh chuan Local Council/Village Council ten dan in a phal angin an ti ral ang.

Ui Vulhtuten National Rabies Control Programme ngai pawimawh a, an ui vulhte ui ‘a’ hri danna (rabies vaccine) lak tir vek turin ngen leh hriattir an ni e.