Mizoram Legislative Assembly inthlan inbuatsaihna atan vawiin chawhma dar 11:00 khan Aizawl District Deputy Commissioner Dr Franklin Laltinkhuma hovin DC Office Chamber ah Aizawl District Media Certification and Monitoring Committee (MCMC) chu an thukhawm a, Election Commission of India-in mawhphurhna a pek anga an hmalak dan turte an sawiho.

MCMC hian chanchinbu, electronic media, internet leh mobile etc. -a candidate leh party te thuchhuah zawng zawng uluk taka lo thlirin, sum senga infakmawina lam (paid news) a awm leh awm loh a thlithlai reng dawn a, candidate leh party ten electronic media-a advertisement an chhuah tur zawng zawngah MCMC Certificate lak hmasak zel a tul dawn a ni. MCMC hian print media-a political advertisement zawng zawng a vil reng dawn a, Candidate te sum senna chhinchhiahna (expenditure account) ah ziah luh zel a ni ang. Party leh candidate ten thuchhuah ziaka ansiam reng reng ah a chhutu (publisher leh printer) hming leh address an tarlang ngei tur a ni a, chutiang tarlang lo thuchhuah pholan hmuh a nih chuan MCMC hian RO hnenah a thlen thin dawn bawk a ni. 

Aizawl District Level Media Certification and Monitoring Committee ah hian heng te hi member an ni :-

Chairman :    Deputy Commissioner, Aizawl.

Members  :    1.   Aizawl District Returning Officers zawng zawng

                     2.   DIPRO

                     3.  Central Government Information & Broadcasting Official
                     4.  Pu D.R.Zirliana, Independent Journalist.

District Level Media Certification and Monitoring Committee hi Mizoram puma district tinah din fel tawh niin hma an la tan mek bawk a ni.