2819/2025-2026

Aizawl; the 7th JANUARY,2026: Vawiin khan Aizawl district bawrhsap leh District Planning Committee (dpc) chairman ni bawk Er.Lalhriatpuia, IAS kaihruaina hnuaiah District Planning Committee, Aizawl District member te chuan Planning & Programme Implementation Department’s Conference Hall-ah meeting an nei a.

India ramin kum 2047 ral hma a ram changkang(developed country) nih tuma a hmalakna Vikshit Bharat @2047 peng pakhat atana district level-a District Planning Committee hmalakna thuamchak tura din Mizoram District Transformation Programme (MDTP) chungchangah DPC hian ni 07/11/2025 khan Orientation meeting an lo nei tawh a ni.

Vawiin meeting-ah hian District Catalytic Intervention Plan-a telh tura Project hrang hrang siam te chipchiar taka sawiho a, thlitfim a nih hnu-ah finalized a ni.

Vawiin meeting hi Pu Lalchhuanthanga, Aizawl South II bialtu MLA leh bialtu MLA dang representative ten telpuiin, department hrang hrang thawhho that pawimawh zia leh thawhho thiam a tul thu sawiin, Deparment tin te chu an project theuh te tha taka tih hlawhtlin a nih theih nan thei tawp chhuaha hma la theuh turin an chah.

Pi Chingthanmawii Advisor cum Joint Secretary P&PI Department leh member Secretary DPC ni bawk chuan ‘Vote of thanks’ sawiin, vawiin Aizawl DPC  meeting hi a khar ta a ni.