2820/2025-2026

Dated Aizawl,  the 7th January, 2026: Nimin tlai khan Chief Secretary, Pu Khilli Ram Meena hovin Chief Secretary Conference Hall, MINECO-ah, January ni 9 atanga ni 11 thleng chama Mizoram lo zin tur, Chief Election Commissioner, Pu Gyanesh Kumar lo hmuah dan tur chungchang ngaihtuahin thutkhawmna neih a ni.

Thutkhawmna hi Mizoram Chief Secretary, Pu Khilli Ram Meena chuan kaihruaiin Mizoram Chief Electoral Officer, Pu Lalrozama chuan inbuatsaihna kalpui tawh ang te member-te hnenah hian a hian a hrilhfiah a. Pu Lalrozama chuan inbuatsaihna hmahruai atan Chief Election Commissioner thlenna tur chu ruahman fel a nih tawh thu a sawi.

Thutkhawmnaah hian Chief Election Commissioner office-in ruahmanna a lo siam tawh te chu thlir hovin hmalak dan tur tul ang te sawi ho a ni a. Security arrangement leh khual chhawn dan turte, an chet velna tur leh inthlan kaihhnawih buaipuitute nena thutkhawm dan turte bakah chanchinbu mite nena hun hman ho dan turte rel a ni.

Meeting-ah hian Tourism Commissioner & Secretary, Pu Vanlaldina Fanai; GAD Secretary, Pi Zodingpuii; Home Department Secretary, Pu Vanlalmawia; IPR&PS Secretary, Pi Betsy Zothanpari; Pu C.Lalnunmawia, DIGP(HQ); Pu Lalhriatpuia, DC, Aizawl; Pu Zosangliana, SP, Aizawl; Pu K.Lalremsanga, SP, Security; Pi Ethel Rothangpuii, Jt.Chief Electoral Officer; Pu Lalmuansanga Ralte, State Protocol Officer & Joint Secretary, P&HW leh officer dangte an tel a ni.