678/2024-2025
Aizawl the 5th June, 2024:
1. SK Variety Store, MHIP Building, Dawrpui chu misual tu tih hriat lohvin Dt.30.05.2024 zan dar 8:00 Pm atanga a tuk zing dar 4:00Am inkara rawk a ni a, rukru hian dawr bungrua Cigarette Rs. 15,000/- man hu leh pawisa fai Rs. 1,000/- a ruk thu Aizawl Police Station ah report niin Aizawl PS C/No. 196/24 D 1.31.05.2024 u/s 457/380 IPC ziah luh a ni a. Thil sual titu man chhhuah anih theih nan theih tawpa hma lak nghal niin Ramdinmawia (25) s/o Lalramnghaka, Ainawn Veng, Aizawl ni a inchhal chu dt.31.05.2024 khan police in an man a. Uluk taka thu zawhfiah a nih hnuah, Ramdinmawia hian dawr hi ama rawk ngei anih thu police te bulah inpuangin, a thil rukte chu hnamdang sumdawng pakhat Tahil Ahmed (48) s/o S Uddin of Karimganja P/A Dawrpui hnenah Rs.4300/ a a hralh chhawn thu a sawi a. Tahil Ahmed-a pawh hi mi thil ruk a lo lei avangin Sec 411 IPC hmangin thubuai siamsak a ni a, police ten an man nghal a ni.
2. "CHHANGTE BUSINESS", Dr Vanlalauva building, Nursery Veng, Aizawl- a mi chu Dt. 31.05.2024 zing dar 4:00Am vel khan misual tu tih hriat lohin rawkin dawr bungrua cigarette Rs.25,000/- man hu leh pawisa fai Rs. 10,000/- ruk anih thu Aizawl Police Station ah report dawn ni in Aizawl-PS C/No. 198/24 Dt.31.05.2024 u/s 457/380 IPC ziah luh a ni a. Police te'n thilsual titu man chhuah a nih theih nan theihtawp chhuah nghalin thil thlenna hmun pawh uluk taka enfiah a ni a; a bul hnaia CCTV awmte thlirlet lehin mi pakhat, Lianchungnunga (37) s/o Lalzarzova, Khatla East, Aizawl ni a inchhal chu Dt. 31.05.2024 tlai khan police ten an man a. Lianchungnunga hi uluk taka thu zawhfiah niin thilsual titu hi amah ngei anih thu police te hmaah a inpuang a. Lianchungnunga kut atang hian pawisa fai Rs.5,190/- hmuh let leh a ni.
Mi thil ruksa lo leichhawn leh lo kawl hi dan phal loh niin thubuai neih theihna leh lungin tan theihna a nih avangin mipuite bungrua ruk ni a rinhlelh reng reng lo lei chhawng emaw, lo kawl lo turin kan inngen a. Tunlaiin rukruk a tarn avangin mipuite fimkur turin kan inngen a. Rukru leh thilsual ti tute man chhuah nan CCTV hi tangkai taka hman thin a ni a, chuvangin mipuite a taM thei ang berin kan in leh a vel bakah kan dawrah te CCTV vuah uar turin kan inngen bawk a ni.
