666/2025-2026

AIZAWL; 30^th  May,2025: Vawiin khan  DC conference Hall-ah  Aizawl District pual a Green Mizoram Day,2025 hman dan tur relin District Level Committee on Green Mizoram Day member te thu khawm. Meeting hi Committee chairman leh district bawrhsap ni bawk Er.Lalhriatpuia’n a kaihruai a ni.  Vawiin meeting-ah Pu K.Lalnungsanga  khawlhring, member Secretary leh DFO Aizawl ni bawk chuan power point presentation hmangin  nikum(2024)-a Green Mizoram Day hman dan thlirletna hun a hmang. Nikum khan Aizawl District chhungah Green Mizoram Day lawmna pualin thingtiak 538 phun a ni a, 30,547 semchhuah a ni bawk

Green Mizoram Day,2025 thupui atan “ Ruahtui khawl nan thing I phun ang u/ plant trees and catch the rain”  hman a ni ang.   Vawiin meeting chuan Aizawl district pual in Observance of Green Mizoram Day,2025 programme hi Toofani Hall, Assam Rifle Complex, Zokhawsang-ah tahrik ni 11 June,2025 hian hman ni se, khuallian atan Pi Beryl Vanneihsangi, MLA leh khualzahawm atan Brig.Bhispendra Sorayan,23 Sector Assam Rifle sawm ni se. Programme-ah hian District Level Fire Prevention Award sem nghal ni se. YRC hmun, Falkland-ah leh hmun hrang hrangah DFO, Aizawl in thingphun tur mipuite mamawh ang zelin thingtiak  ngaihtuah sak se. Environmental NGO -te nen Talk show local cable TV leh DDK -te kaltlangin neih ni se. Green Mizoram Day 2025 hmanna turah sawmna hi District Level Committee on GMD Chairman hmingin siam ni se.Thingtiak 1000-tal phun tum ni bawk se tih te leh  State Level Committee in arawt angina Herhse phun uar ni se  tih te rel a ni.

Mimal, pawl leh Department thingtiak mamawh chuan Monday(2/6/2025) atangin DFO Office Aizawl atangin a lak thei ang, tih meetingah report a ni bawk.

 Aizawl District chhunga RD block 3: Tlangnuam, Aibawk,Darlawnah te Green Mizoram Day pual programme buatsaih tum a ni bawk.