No.7072/2020-2021

Vawiin khan UD&PA Director leh Chairman ni bawk Pu H.Lianzela kaihhruaiin Aizawl District Screening Committee on PMAY (Urban)-HFA chu Planning & Programme Implementation Department Conference Hall-ah neih a ni.

Committee-ah hian PMAY(Urban) hnuaia  Beneficiary -Led Construction (BLC)- Insak tanpuina diltu te Aizawl District chhunga Town pahnih - Aizawl 3rd DPR  leh Darlawn 2nd DPR chungchang leh Insak tanpuina diltu te dilna chu member kalkhawm ten an thlir ho a, tanpuina diltute zinga a dawngtur dik takin tanpuina an dawn ngei theihnan uluk takin endikna kalpui a ni a. He meeting ah hian Aizawl 3rd DPR atana beneficiary 2025 leh Darlawn 2nd DPR atan beneficiary 34 approved a ni. Aizawl 2nd DPR ah hian mi 523 curtail tura tih an awm bawk a ni.

Committee-ah hian Aizawl District Committee members- Aizawl North-I, Aizawl North-II, Aizawl West-I, Aizawl West-III, Aizawl South-I Bialtu MLA te, AMC Commissioner, Mizoram State Women’s Commission Chairman, bakah bank hrang hrang hotute an tel a ni.

PMAY-HFA State Nodal Officer Pu H. V.L Zarzoenga hnen atangin he scheme a Mizoram dinhmun, hmasawnna leh hmabak mekte thlirhona leh ngaihthlak hona neih a ni. 

Pradhan Mantri Awas Yojana (PMAY- Housing For All (HFA) Urban Mission, 2022 hi June 2015 a puanchhuah a nih atangin Mizoramah pawh Urban town 23 census Town) hmalak nghal a nia. He scheme hi awmze nei leh tha zawka kal theih beisei in state sawrkar chuan District Screening Committee chu kum 2016 khan a lo din a. UD&PA Department chuan Detailed Project Report siam in Central Sanctioning & Monitoring Committee in DPR 43 a approved tawh a ni. 1st January, 2021 khan Prime Minister zahawm takin PMAY- (U) Award semna hun neiin Mizoram atangin ‘Best Nagar Panchayat - Lawngtlai Town’ leh Individual Best Construction mi pathum - Kolasib 2 leh Lunglei atangin mi 1 an lo dawng tawh bawk a ni.

District Screening Committee hian HFA hnuai a Mizoram a vertical a kalpui - Credit Linked Subsidy Scheme leh Beneficiary -Led Construction (BLC) hnuaia insak tanpuina dawng tura scheme guidelines anga dawng tlak ngei an nih leh nihloh a enfiah thin a ni.

Credit Linked Subsidy Scheme (CLSS) hi housing loana ni a. He housing loan hi Bank kaltlanga pek tur a ni. CLSS bik hi Central Sector Scheme a ni a, he scheme hnuai atanga Housing loan interest subsidy hi loan amount a zirin a danglam a, chu chu Central Nodal Agency (NHB leh HUDCO)te kal tlangin Bank hnenah a pek a ni. He vertical bika state sawrkar mawhphurhna chu housing loan diltute lo Certify hi a ni.

Beneficiary- Led Construction (BLC) hi insak tanpuina Rs.1,50,000/- (Cheng Nuaikhat leh Singnga) pek theihna a ni a. He vertical hnuai a insak tanpuina dil theihna hun hi October, 2019 chhung khan Aizawl, Darlawn ah te hawn a lo ni tawh a. Dilna te hi Covid-19 Standard Operation vang te in enfiah mai theih ani lo a. October - December, 2020 chhungin enfiah an ni.