1090/2025-2026

Dated Aizawl, the 8th July, 2025: Aizawl District Sports Committee (ADSC) chu an Chairman Er. Lalhriatpuia, DC ni bawk hovin vawiin khan DC Conference Hall-ah an thukhawm.

Vawiin meeting-ah hian Sports Promotional Fund hman dan tur chungchang rel a ni a, ADSC hnuaia Sports Association ten Tournament/activity an neih dan tehfunga hmanga hma la tha te hnenah awmze nei zawka sem tura ruahman a ni.

Vawiin meeting hian kum 2025-2026 chhungin ADSC hnuaia Sports Association tin te huap Vikshit Bharat Aizawl District Sports Festival buatsaih an rel a, hemi atan hian Organising Committee leh sub-committee hrang hrang bakah tul dangte ngaihtuah turin July thla chawlhkar thumnaah meeting nei turin an rel bawk a ni.

ADSC Chairman Er. Lalhriatpuia chuan infiamna hi thalaite rilru a tha zawnga kaihhruaina hmanrua a nih bakah ruihhlo laka venhim leh chhanchhuahna hmanraw pawimawh tak a ni a, chu mai bakah eizawnna tling a nih tawh avangin ADSC member te chu an rilru leh ngaihtuahna seng nasa tur leh anmahni pawh inthuam tha zel turin a chah a ni.

Meetingah hian District Sports & Youth Officer leh ADSC Secretary ni bawk Pu Lalngilneia Colney bakah ex-officio te leh memberte an tel a ni.