1091/2025-2026

Kolasib Dated, the 8th July, 2025: Vawiin khan Govt. Kolasib High School, Kolasib ah District Urban Development Office, UD&PA Department Kolasib huaihawtin Faina beihpui thlakna khuhhawnna ‘Safai Apna, Bimaari Bhagao’ campaign hawnna hun Pi Josephine Zonunsangi, DUDO, UD&PA Department Kolasib hovin hman a ni.

He hun hmanpuitu Pi Josephine Zonunsangi, DUDO chuan programme an hman chhan sawihfiahin Covid hripui len lai a tang khan kut silfai na kawngah kan inzirtir na khan nasatakin faina kawngah leh thianghlimnaah min pui a, hripui dona ah pawh vantlang mipuiten kan tangkaipui hle ani a ti a. Hmun tawphnawk leh bawlhhlawh paihna vel te hi natna hrik awm duhna hmun a ni a, chu chu theihtawp a tihfai chu mitin mawhphurna ani a ti . Kut tha tak a silfai a pawimawh thu te, taksa leh kan thawmhnaw inbel te leh kan in leh a vel, kan khawtlang fai a pawimawh thu a sawi bawk.

Thusawitu dang, Pu R. Vanlalmuka, Addl. DPC/SDEO Kolasib chuan Mizote hi hnam bal ni thin kha chanchintha avangin kan lo fai tawh hle a, kan taksa a fai ang bawkin kan chenna hmun leh a vel zawng zawng pawh a fai tur a ni, a ti a. Zirtirtute, khawtlang leh sawrkar in faina kawngah inzirtirna tamtak kalpui thin mahse mahni ngeiin fai hi bul kan tan na hmasaber a nih avangin a pawimawh hle a ni a ti a. Hrisel tur chuan ei leh in thianghlim leh taksa fai a pawimawh thu a sawi bawk.

He hunah hian Pu Obed Lalhuliana, Inspector of Sanitation, UD&PA Kolasib chuan faina kawngah zirtirna hun a hmang a. Faina kawng a thutiam lakna Tv Israela Pachuau in a hmang a. Pu Kevina, Treasury Officer leh Pu Thomas D. Lalengliana President YMA Sub-Hqrs Kolasib in thusawina hun an hmang bawk a ni.

Pawl aiawh a sawm bik, Kolasib khawchhunga KTP leh PYD hruaitu te atangin faina kawnga an hmalak dan ngaihthlak a ni a. He hun hman zawh hian kut silfai dan inzirtirna a takin school naupangten an nei zui nghal bawk a ni.