Aizawl District Swachh Bharat Mission (Gramin) Committee leh District Water & Sanitation Committee meeting chu DC Conference Hall-ah neih a ni a. He meeting hi Aizawl DC Dr. A. Muthamma chuan kaihruaiin, Aizawl East-I bialtu MLA Pu R. Lalrinawma, Deputy Speaker chu a tel bawk.

Aizawl DC chuan faina lama ram chhunga district hrang hrang khaikhinna, Swachhata Darpan District Ranking Phase-II ah Aizawl in dinhmun pakhatna a hauh char char hnua tunhnaia a tlak hniam tak thu tarlangin, pakhatna dinhmun hauh leh vat thei turin mawhphurtuten tan an lak a duh thu a sawi a. Swachh Bharat Kosh hnuaiah School leh Anganwadi toilet siamthat leh cheibawl ngaite chu ngaihpawimawh hmasak ni se a ti bawk.

Vawiin meeting-ah hian kum 2017-2018 chhunga hmalaknate thlirho niin, Committee Member Secretary Er. Lalsanga, E.E. PHED chuan report a pe a. Hemi hun chhung hian Aizawl District chhungah SBM(G) hmalaknain bawlhlawh sawngbawlna (SLWM) khaw 20 ah siam a ni a, Vantlang lnthiarna (CSC) pawh 21 siam mek a ni bawk. Vantlang bawlhlawh paihna (Dustbin) 1600 zet a thlawna sem a nih tawh bakah Swachh Bharat Kosh sum hmangin khaw 95 ah Ekin 3205 repair mek a ni. Aizawl District hi ODF a puan a ni tawh a, ODF hnua hmasawnna awm thei kawng hrang hrangah chak taka hma lak zel a nih thu report a ni.

Kum 2018-2019 chhunga hmalakna tur vawiin meeting in a sawi zingah bawlhlawh sawngbawlna (SLWM) khaw 25 a siam te, Vantlang lnthiarna (CSC) khaw 20 a siam bakah Rajya Sabha MP in 2nd phase-a Model Village atana a thlan Tlungvel SBM (G) programme hmanga tihchangtlun dan turte leh MGNREGS nena SLWM convergence a thawh dan tur chungchang te a tel a. Bawlhlawh sawngbawlna mumal taka kalpui a nih theih nana thingtlang khaw pakhat Model Village atana adopt-a zirchian chungchang sawi ni bawkin, hemi atan hian Aibawk RD Block chhunga Maubuang khua chu a thlan a ni.MGNREGS nena SLWM convergence a thawh dan tur chungchang te a tel a.

SBM (G) hnuaiah hian Aizawl District-ah kum 2014-2016 chhung khan ekin (IHHL) 1517 sak a ni a, hnathawh hi MNREGA nen thlunzawm thin niin, kum 2015-17 chhung khan MNREGA atang hian ekin 535 sak belh leh a ni a;  heng zawng zawng ni geo-tagging tih vek a ni. 27.2.2017 khan Aizawl District a khua hrang hrang ODF a inpuang te chu endik anni a, RD Block ODF a inpuangte chu March 2017 khan enfiah leh niin, State Level Verification team chuan 21.9.2017 khan a enfiah ta a ni.

Meeting-ah hian Nodal Dept, PHED officer te bakah Line Department hrang hrangte an tel a ni.