Vawiin khan Thuamluaia Mual, Lunglei ah 8th HPC Cup chu Pu Lalhmingliana, LDCC President in a hawng a, Pu S.Laldinglian, Vice Chairman HPC in a telpui.

Hawnna inkhawm hi Pu Jimmy L Sailo, LDFA President in a kaihruai a, khuallian Pu Lalhmingliana chuan thusawiin kalkhawmte lawmna thu a sawi a, Lunglei High Power Committee in a vawi 8-na atan HPC cup an buatsiah leh chu lawmawm a ti a, Lunglei HPC te  chu infiam mite hmakhua ngaiin infiam mite tan Incentive Cash Award a buatsaih thin avangin lawmawm a tih thu a sawi bawk. Lunglei HPC thahnem ngaihna avangin infiamna lam bakah Lunglei District pawh kawng hrang hrangah hmasawnna a thlen a ni a ti bawk. LDFA hruaitute inpekna leh thahnemngaihna chu fakawm a ti a, hmasawn zel turin a chah a, infiam mite chu rilru thianghlim tak pu a inkhel turin a chah bawk.

HPC Cup 2018 ah hian Lunglei District chhung atangin khaw 40 an tel a, Group 8 a then a ni.  Pu PS Lalngaihzuala'n infiam mite Oath taking lak tirin, opening match ah Venghlun leh Electric veng an inkhel a ni.