Ni 9.7.2010 (Zirtawpni)  hian Anti-Tobacco  Squad Aizawl District meeting vawikhatna chu D.C. Office ah dar 11:00 am atangin neih a ni dawn. He hunah hian Aizawl D.C. chu Aizawl Anti-Tobacco Squad Chairman a nih angin a ni kaihhruaina hnuaiah hun hman a ni ang. Aizawl District Anti-Tobacco Squad ah hian Member Secretary chu Dr. Jane R. Ralte, State Nodal Officer cum Project Officer, Mizoram State Tobacco Control Society niin member dangte hi chu sawrkar hnathawkte leh NGO's hrang hrang atangin ruat an ni. He squad hian a tum ber tur chu puipunna hmun hrang hranga meizu ten an lo sim nan te leh puipunna hmuna meizu an man reng reng te chu pawisa an chawitir tan tawh dawn a ni.