Parliamentary Secretary Pu Chawngtinthanga chuan vawiin chawhma dar 11:00 khan Remphamly Studio, Ramhlun North-ah Pi Zozikpuii, Lecturer i/c Child Rights Protection Cell, SCERT lehkhabu ziah naupangte enkawl dan bu 'Dim Tein Aw' tih chu a tlangzarh.
Pu Chawngtinthanga chuan tun lai huna naupangte rilru sukthlek danglam tawhzia leh enkawl hautak tawh avangin nu leh pate tan a luhaithlak thin a ni a ti a, naupang chunga hleilenna leh tharum thawhna a nasat zia thu sawiin Sawrkar pawhin naupangte chanvo leh dikna humhalh turin tan nasa leh zualin a la a ni a ti a, hetih laia Sawrkar policy nena inhmeh tak naupangte enkawl dan tur inzirtirna lehkhabu lehkhabu rotling tha tak buatsaih a ni hi lawmawm atih thu sawiin, he lehkhabu hian naupangte enkawlna kawngah rahbi thar a hawn ngei a beisei bakah mi zawng zawngin chhiarin zirchiang se a duh thu a sawi bawk.
Pu Chawngtinthanga chuan naupangte hi hnam rohlu, nakina kan zoram nghahfakte an nih avangin uluk tak leh dimdawi taka enkawl an ngai a ni a ti a, khauh lutuk leh hremna hmanga naupang enkawlin an puitlin hnuah nghawng pawi tak a nei thin ani tih sawiin naupangte chu nu leh paten kawmngeiha an thian tha ber ni a an ngaih theih turin inhriatthiam tawnna leh inlaichinna tha siam a pawimawh a ni a ti bawk. Thununna dik tak chu rilru chhungril duhthlanna atanga lo piang anih avangin naupangte chu an nun khalh ngil turin anmahni kan hriatchian hmasak phawt a ngai a ni a ti a, Pathian thu nen fimkhur taka naupang kaihhruai a pawimawh a ni a ti bawk.
Lehkhabu thlirlawkna neitu Pi V.Vanlalruati, Lecturer, SCERT chuan he lehkhabu hian naupangte hi rukru turte, nunrawng turte, inzuar turte, ruihhlo ngawlvei turte leh hlawhchham turte hian an lo piang bik lo ani tih leh naupan laia enkawl danin anmahniah nghawng a neih dan te chiang takin a tarlanga, lehkhabu hlu tak leh rotling a ni tiin chhungtin tana tangkai tur lehkhabu a ni a ti bawk.
Pi B.Sairengpuii, Director, Social Welfare Department pawhin thu sawiin he lehkhabu hi chhiar liam mai mai chi a ni lova, chik taka chhiara ngaihtuah zui peihte chuan he lehkhabu hlawkna hi an tel ngei ngei dawn a ni a ti bawk.
"Dim Tein Aw" tih lehkhabu hi Nu leh Pa leh Zirtirtute hman tangkai tura buatsaih a niin phek 132 a chhah a ni a, bu khat Rs. 70/- man niin lehkhabu dawr hrang hrangah lei theih tura zawr chhuah nghal a ni.
Pu Chawngtinthanga chuan naupangte hi hnam rohlu, nakina kan zoram nghahfakte an nih avangin uluk tak leh dimdawi taka enkawl an ngai a ni a ti a, khauh lutuk leh hremna hmanga naupang enkawlin an puitlin hnuah nghawng pawi tak a nei thin ani tih sawiin naupangte chu nu leh paten kawmngeiha an thian tha ber ni a an ngaih theih turin inhriatthiam tawnna leh inlaichinna tha siam a pawimawh a ni a ti bawk. Thununna dik tak chu rilru chhungril duhthlanna atanga lo piang anih avangin naupangte chu an nun khalh ngil turin anmahni kan hriatchian hmasak phawt a ngai a ni a ti a, Pathian thu nen fimkhur taka naupang kaihhruai a pawimawh a ni a ti bawk.
Lehkhabu thlirlawkna neitu Pi V.Vanlalruati, Lecturer, SCERT chuan he lehkhabu hian naupangte hi rukru turte, nunrawng turte, inzuar turte, ruihhlo ngawlvei turte leh hlawhchham turte hian an lo piang bik lo ani tih leh naupan laia enkawl danin anmahniah nghawng a neih dan te chiang takin a tarlanga, lehkhabu hlu tak leh rotling a ni tiin chhungtin tana tangkai tur lehkhabu a ni a ti bawk.
Pi B.Sairengpuii, Director, Social Welfare Department pawhin thu sawiin he lehkhabu hi chhiar liam mai mai chi a ni lova, chik taka chhiara ngaihtuah zui peihte chuan he lehkhabu hlawkna hi an tel ngei ngei dawn a ni a ti bawk.
"Dim Tein Aw" tih lehkhabu hi Nu leh Pa leh Zirtirtute hman tangkai tura buatsaih a niin phek 132 a chhah a ni a, bu khat Rs. 70/- man niin lehkhabu dawr hrang hrangah lei theih tura zawr chhuah nghal a ni.
