No.2367/2021-2022

Aizawl 28th September, 2021 : Vawiin khan Aizawl District Water and Sanitation Mission (DWSM) chairman Dr. Lalhriatzuali Ralte, IAS kaihhruaiin DC Conference Hall-ah Mizoram chhunga khua ODF Plus a puan theih mai S. Maubuang Inspection chungchang-ah Member Secretary leh Sr. Executive Engineer, Rural WATSAN Division, Aizawl ni bawk Pu H.Lallianmawia leh member dangte bakah sawmbik, Village Council Chairman, S. Maubuang ten thutkhawmna an nei a ni.

Thutkhawmna-ah hian Chairman Dr. Lalhriatzuali Ralte chuan member kalkhawmte hnenah lawmthu sawiin, Aizawl District chhunga khuate'n faina leh thianghlimna kawng hrang hranga hma an la zel chu lawmawm a tih thu a sawi a. Chairman chuan ODF Plus-a puan theih turin Aizawl District huam chhunga khua hrang hrangah hmalak mek a ni tih tarlangin, tun dinhmunah hian S.Maubuang VC chuan September ni 14, 2021 ah an khua chu ODF Plus-a a puang a, DWSM-in inspection neih tur a nih tak avangin vawiina thutkhawmna chu neih a ni, a ti a. Dr. Lalhriatzuali Ralte chuan sawrkar lam atanga viltu Rural WATSON Division, Aizawl chungah leh khawtlang hruaitute chungah lawmthu a sawi a. Khua dangte entawn leh Mizoram chhung mai nilo a India ram pum huapa faina leh thianghlimna kawnga khaw enbik nih tum tur a tan la zel turin a ngen bawk a ni.

Aizawl District Water and Sanitation Mission (DWSM) Chairman hovin October ni 2, 2021 ah S.Maubuang chu inspection team ten tlawh ni se tih pawm tlan a ni a.

S.Maubuang hi National Panchayat Award, 2021 dawng khua a ni a, Award in a kentel pawisa fai cheng nuai 5 chu an khua a in tin ten bawlhlawh tawihthei paihna khur laiin tangkai takin an hmang a ni.

PHED chuan JJM leh SBM (G) Phase II hnuaiah Aizawl District khaw 31-ah 100 Days Campaign an nei tawh a, Community Soak Pit sakna leh mamawhna hmun te khawtlang hruaitute nen en ho in, measurement kimchang tak lak tawh a ni a. Aibawk RD Block, Darlawn RD Block, Thingsultliah RD Block leh Tlangnuam RD Block, Phullen RD Block ah te nasa takin ODF Plus criteria hrang hrang mipuia inhrilh hriatna leh tan lak dan tur te sawi ho a, thutkhawmna te neih tawh a ni a, mipui a lo dawngsawngtute pawh an phur hle a nih he hunah hian ngaihthlak a ni.