No.2366/2021-2022

Aizawl 28th September, 2021 : District Election Office, Champhai buatsaih Special Summary Revision of Electoral Roll -2022 inpuahchahna atana Booth Level Officers (BLO) training thawh hnihna chu vawiin khan YMA Information In, Hnahlanah neih a ni. He hunah hian election kaihhnawih application thar hman tur Garuda App leh Voter Helpline App bakah form pawimawh hman dante leh tul dang BLO te zirtir an ni.

Vawiin training-ah hian Pi Esther Leihang, SDC & AERO-in form pawimawh hrang hrangte leh Voter Helpline App hman dan BLO te a zirtir a. Pu J. Lalthanmawia, DEO, Election Branch, Champhaiin Garuda App awmzia leh hman dan zirtirna a pe bawk.

Nimin khan I&PR Auditorium CHANEM Champhaiah Champhai khawpui chhung leh hnaivaia BLO te tan training buatsaih a lo ni tawh a. Vawiin hian Hnahlan leh a chhehvel khuaa BLO tan training buatsaih niin BLO pakua an tel a, naktuk hian Champhaiah training buatsaih leh tur niin, ningani hian Khawbungah BLO traning neih tum a ni bawk. Khawzawl District-a awm 23-Champhai North A/C huam chin Neihdawn, Rabung leh Aiduzawl BLO te chuan Khawzawl District Election Office remruat angin Khawzawlah training an nei thung dawn a ni.