No.2473/2021-2022
Aizawl the 4th October, 2021 : Vawiin khan Aizawl District Water and Sanitation Mission (DWSM) chairman Dr. Lalhriatzuali Ralte, IAS hovin ODF Plus Inspection Team in S. Maubuang a hmunah tlawhin an enfiah.

ODF Plus criteria a tan hian plastic dahkhawlna hmun, choka leh bathroom thli mumal takin leh vantlang tana hnawksak lo in paihna a awm leh awm loh te, tawihtheih paihna compost pit in tin-ah a awm loh pawhin hman tawm theiha a awm leh awm loh te, khawchhungah fai leh thianghlim inzirtirna wall painting panga tal a tlem berah a awm em tih leh thildangte enfiah a ni a.

Inspection Team te hi Aibawk BDO bakah Maubuang Village Council Member ten Panchayat Bhawan-ah an lo dawngsawng a ni.

Hemi rual hian Aizawl Bawrhsap Dr. Lalhriatzuali Ralte chuan Aizawl Primary Health Centre-a CSR atanga fund hmuh atanga siamtur Temporary Covid Care Centre tur a hmunah tlawhin enfiahna hun a hmang a. He Temporary Covid Care Centre hi Covid-19 a len loh hunah Isolation for Infectious Diseases tana a hman theih nghal tura duan a nih thu tarlan a ni a. Aizawl Bawrhsap hi Dr. Zothanmawii Ngente leh thawktu dangten anlo dawngsawng a ni.