1869/2023-2024

Aizawl, 13.09.2023: Aizawl District Water & Sanitation Mission (DSWM) chu vawiin khan DC Pi Nazuk Kumar hovin DC Conference Hall-ah thukhawm in, Aizawl district chhunga Jal Jeevan Mission hnuaia Functional Household Tap Connection (FHTC) hmalakna leh Swachh Bharat Mission (Gramin) hnuaia ODF Plus Model puitlin tura hmalakna chungchang an sawiho.

Functional Household Tap Connection (FHTC) kaltlang hian kum 2024 ah chuan thingtlang in tinah tui connection siam tura hmalak a ni a. Vawiin meeting hian Darlawn WATSAN Sub-Divion leh RWSD a tui connection pek dinhmun thlirho a ni a. RWSD hnuaiah hian khua 33 ah hma lak niin, 19 ah hna zawh fel tawh a ni a. Darlawn watsan sub division ah hian town pakhat leh thingtlang 31 awmin, JJM hnuaiah hian scheme 23 kalpui a ni.

SMD(G) hnuaia Open Defecation Free Plus hnathawh kal mek chuan block pali (Aibawk, Tlangnuam, Thingsulthliah leh Darlawn) a huam a. Heng hmalakna hnuaiah hian Community Compost Pit, Community Sanitary Complex siam te, in tin a latrine siam leh plastic thliarhranna (Plastic Segregation Shed) siam te a tel a ni. Aibawk leh Tlangnuam Block ah chuan SBM hmalakna chu zawh tawh a ni. Kumin chhunga zawh tum beisei a nih thu report a ni.

District Water & Sanitation Mission ah hian Pu H. Lallianmawia, Sr. EE, PHED chu member secretary a ni a. Vawiin meeting-ah hian PHED atangin leh Health & Family Welfare, School Education leh Information & Public Relations Department atangin member te an tel a ni.