1870/2023-2024

Dated Siaha 13th September 2023 : Kumin kumtawp MLA inthlanpui lo awm tur atana inbuatsaihna kal zelah vawiin khan Pu Lalhmunsanga Hnamte, District Election Officer (DEO) kaihruaina hnuaiah 'Assured Minimum Facilities (AMF)' chungchang sawihona DC Mini Conference Room-ah neih a ni.

Pu Lalhmunsanga Hnamte chuan thutkhawmna a lo kalte hnenah lawmthu sawina nei hmasa in, inthlanpui fel fai leh thianghlim tak neih a nih theih nan theihtawp chhuah a tul a ti a. Election Commission of India in a phut ang ngeiin Siaha District- a Polling Station zawng zawngah 'Assured Minimum Facilities' a awm vek theih nan chakzawk a hmalak mek anih thu a tarlang bawk.

Vawiin thutkhawm ah hian Sectoral Magistrat-ten survey an lo neih tawh atanga report an neih ang angte chu zirchian leh sawi zauna neih a ni a. Polling Station hrang hrangah 'Minimum Assured Facilities' a awm theihna tura hmalakna tur hrang hrangte sawiho a ni. Returning Officer (RO) leh Assistan Returning Officer (ARO) te chu Polling Station zawng zawng tlawh chhuak vek tura tih an nih angin, RO leh ARO ten Polling station an tlawh chhuah hnuah thutkhawmna hi neih leh tura rel a ni.

Assured Minimum Facilities hi mipui nawlpui bakah rualbanlo (Person with Disabilities) ten awlsam leh nuamsa zawka vote an thlak theihna tur atan Election Commission of India in ruahmanna a siam a ni a. Electricity, toilet, drinking water, ramp, furniture, approach road, mobile connectivity leh telephone (landline) leh a dangte a huam a ni.

39-Siaha(ST) A/C ah hian Polling Station- 37 awm mek in, 40- Palak (ST) A/C ah hian Poliing Station-44 a awm mek bawk.