Aizawl District Working Committee on National Foundation of Teachers Welfare (NFTW) chu vawiin chawhnu dar 1:30 khan an chairman Dr Franklin Laltinkhuma, Aizawl D.C. hovin ama office chamber ah an thukhawm a, kum tina hman thin Teachers Day, Sept ni 5-a hman dan tur an sawiho. Meeting chuan hemi ni hian zirlai ten zirtirtute chawimawi nan tha an tih angin hmang se a ti a, State Working Committee-in a lo rel tawh angin kumin Teachers Day hi Inrinni ni mah sela, a ni sawn lovin hemi ni hian school tin ten an remchan dan angin hmang se tiin an rel a, Aizawl khawpui chhung hmun remchang laiah Banner tar ni se tih te an rel bawk a ni.

Aizawl District Working Committee on NFTW ah hian MLA Pu R.Vanlalvena, DEO leh SDEO te, zirtirtu pawl hrang hrang leh tlawmngai pawl te an tel a ni.